Florentino Perez និង Joan Laporta គឺជាគូប្រជែងនៃក្លឹបយក្សទាំងពីរ ប៉ុន្តែពួកគេទាំងពីរយល់ថាពួកគេត្រូវការពិតជាត្រូវការគ្នាដោយមិនអាចខ្វះបាននោះទេ។
Barcelona ត្រូវផ្តោតលើបញ្ហាចុះឈ្មោះកីឡារករនៅ La Liga បន្ទាប់មកបន្តការនាំចូលកីឡាករបន្ថែមដូចជា Marcos Alonso និង Bernardo Silva។
ប្រធានក្លឹប Real Madrid បាននិយាយនៅលើ El Chiringuito ថា “ពួកគេនឹងអាចដោះស្រាយបញ្ហាប្រឈមនេះបានយ៉ាងពិតប្រាកដ។ ក្នុងជីវិតដឹកនាំក្លឹប តែងតែជួបនឹងស្ថានភាពសេដ្ឋកិច្ចល្អ និងសេដ្ឋកិច្ចមិនល្អ ជារឿងធម្មតា។”
“Barcelona គឺជាក្លឹបដ៏ធំបំផុតមួយនៅលើពិភពលោក។”
“ពួកគេអាចនឹងឆ្លងកាត់ស្ថានភាពលំបាកនេះ ពួកគេមានយន្តការដើម្បីជំនះបញ្ហាទាំងនេះ។”
“យើងទាំងអស់គ្នាសូមជូនពរឲ្យដំណើរការល្អនៃបាល់ទាត់អេស្ប៉ាញ។”
“Barcelona គឺជាក្លឹបដ៏អស្ចារ្យមួយ។ តាមគំនិតរបស់ខ្ញុំ យើងគឺជាក្រុមល្អបំផុតទាំងពីរនៅលើពិភពលោក ហើយនៅពេលដែលយើងប្រកួត El Clasico មានមនុស្សមើលរហូតដល់ ៦០០លាននាក់។”
ចំពោះទំនាក់ទំនងរបស់គាត់ជាមួយប្រធានក្លឹប Barcelona លោក Joan Laporta លោក Perez បាននិយាយប្រកបដោយស្មារតីភ្លឺស្វាងអំពីគូប្រជែងរបស់គាត់ថា៖
“Barcelona គឺជាក្លឹបដែលមានតម្លៃជាលុយដ៏ច្រើនសន្ធឹកសន្ធាប់ ហើយពួកគេអាចឆ្លងកាត់ពេលវេលាដ៏អាក្រក់មួយនេះ។”
“អ្នកត្រូវតែធ្វើអ្វីមួយដែលអ្នកត្រូវធ្វើ នៅពេលដែលអ្នកស្ថិតក្នុងស្ថានភាពអាក្រក់។”
“Laporta បាននៅក្លឹបនេះជាងមួយឆ្នាំហើយ អ្វីៗមិនអាចជួសជុលបានដោយប្រើពេលតែមួយយប់នោះទេ”៕
ប្រភព៖ Marca