ក្រុមអធិរាជស Real Madrid បានលើកពានរង្វាន់បើករដូវកាលថ្មីមួយហើយគឺ UEFA Super Cup ក្រោយពីយកឈ្នះលើក្រុម Frankfurt ក្នុងលទ្ធផល ២-០ ។
ក្នុងការប្រកួតនេះដែរ ក្រុម Real Madrid ដែលពោរពេញដោយកីឡាករឆ្នើមៗមិនធ្វើឱ្យអ្នកគាំទ្រខកបំណងនោះទេ។ ពួកគេរកបាន២គ្រាប់ដើម្បីយកឈ្នះលើក្រុម Frankfurt ដោយ២គ្រាប់នោះរកបានដោយខ្សែការពារ David Alaba ១គ្រាប់និងខ្សែប្រយុទ្ធ Karim Benzema ១គ្រាប់។ ដោយការឈ្នះពានរង្វាន់ UEFA Super Cup នេះ គឺជាការឈ្នះ៥ដងជាប់គ្នាហើយឱ្យតែក្រុម Real Madrid មានឱកាសមកដណ្ដើមគឺមិនដែលភ្លាត់ចាញ់នោះទេ។
ដោយនេះជាពានរង្វាន់ទី១ក្នុងចំណោមពានទាំង៦ដែលលោក Carlo Ancelotti ដាក់គោលដៅយកឱ្យបាននារដូវកាលថ្មីនេះ។ ដោយពាន៥ទៀតរួមមាន La Liga, Copa del Rey , Spanish Super Cup , UEFA Champions League និង FIFA Club World Cup ៕