ខ្សែប្រយុទ្ធ Neymar នៅសល់តម្លៃខ្លួនទិញផ្ដាច់កុងត្រាតែ១៩០លានផោនប៉ុណ្ណោះនៅរដូវកាលក្រោយ ដូច្នេះប្រសិនបើក្លឹបណាចង់បានរូបគេ គឺអាចយកបានក្នុងតម្លៃនេះ។
ប្រធានក្រុមជម្រើសជាតិប្រេស៊ីល មានដំណឹងថាចង់ទៅលេងនៅ FC Barcelona វិញ ក្រោយពីរួមរស់ជាមួយ PSG មិនសូវសប្បាយចិត្ត និងគ្មានការប្រកួតប្រជែងខ្ពស់នៅលីគបារាំង។ ជាមួយការចង់ត្រលប់ទៅវិញនេះដែរ កុងត្រានៅសល់របស់គេជាមួយ PSG គឺមានតម្លៃត្រឹមតែ១៩០លានផោនប៉ុណ្ណោះ នៅរដូវកាលក្រោយ ហើយប្រធានក្លឹបនេះផ្ទាល់ក៏អាចនឹងព្រមលក់ដែរ ប្រសិនណាបើមានក្លឹបចង់ទិញ។
Neymar ផ្លាស់ពី Barcelona មកលេងនៅ PSG កាលពីឆ្នាំ ២០១៧កន្លងទៅ ដោយមានតម្លៃខ្លួន១៩៨លានផោន។ ខ្សែប្រយុទ្ធឆ្នើមរូបនេះ បង្ហាញខ្លួនបាន៤១ប្រកួតមកហើយ និងរកគ្រាប់បាល់បានដល់៣៩គ្រាប់ឯ ណោះ។ ត្បិតតែធ្វើបានល្អ យ៉ាងនេះមែន ប៉ុន្តែរូបគេនៅតែមិនអាចជួយក្រុមអ្នកមាននៅបារាំងឱ្យឈ្នះពានរង្វាន់អន្តរជាតិ ជាពិសេស UEFA Champions League បានឡើយ៕ប្រភព៖ DailyMail