រដូវកាលនេះជារដូវកាលដ៏ល្អបំផុតមួយរបស់ Karim Benzema ហើយគាត់មានអារម្មណ៍ថា គាត់បានត្រៀមខ្លួនរួចជាស្រេចដើម្បើធ្វើវាម្តងទៀតសម្រាប់រដូវកាល ២០២២/២៣។
រដូវកាលថ្មីចាប់ផ្តើមជាមួយនឹងការប្រកួត UEFA Super Cup របស់ Real Madrid ទល់នឹង Eintracht Frankfurt ហើយកីឡាករបារាំងរូបនេះបានចូលរួមជាមួយគ្រូបង្វឹក Carlo Ancelotti និងមិត្តរួមក្រុម Luka Modric សម្រាប់សន្និសីទសារព័ត៌មានមុនការប្រកួត។Benzema បាននិយាយថា “យើងប្រហែលជាមិននៅក្មេងរហូតនោះទេ ប៉ុន្តែអាយុមិនមែនជាបញ្ហា រាងកាយរបស់ខ្ញុំនៅតែរឹងមាំល្អ ព្រោះខ្ញុំខិតខំហ្វឹកហាត់យ៉ាងខ្លាំង។” នេះជាចម្លើយនៅពេលដែលគេសួរថាតើគាត់មានអារម្មណ៍យ៉ាងណាដែរនៅពេលគាត់នឹងមានអាយុ ៣៥ឆ្នាំឆាប់ៗនេះ។“ការប្រកួតនេះមានសារៈសំខាន់ណាស់សម្រាប់ពួកយើង។ យើងមានការប្រកួតមុនបើករដូវកាលដ៏ល្អ ហើយយើងបានត្រៀមខ្លួនរួចរាល់ហើយ។
“យើងជាម្ចាស់ជើងឯកអឺរ៉ុប ដូច្នេះយើងត្រូវតែខិតខំឲ្យអស់លទ្ធភាពដើម្បីឈ្នះ និងយកពានមក Madrid វិញ។
“ខ្ញុំមានមោទកភាពណាស់ដែលបានធ្វើជាប្រធានក្រុម ប៉ុន្តែក្រុមទាំងមូលនៅតែសំខាន់បំផុតសម្រាប់ខ្ញុំ។
“ខ្ញុំតែងតែនិយាយថាពានរង្វាន់សម្រាប់ក្រុម គឺសំខាន់ជាងពានរង្វាន់បុគ្គលជានិច្ច”។
ការឆ្លុះបញ្ចាំងរបស់ Benzema អំពី Cristiano Ronaldo
ខ្សែប្រយុទ្ធរូបនេះក៏បាននិយាយអំពីការផ្លាស់ប្តូរពីការលេងជាមួយ Cristiano Ronaldo ទៅជាអ្នកដឹកនាំតំបន់ប្រយុទ្ធរបស់ Los Blancos។
Benzema បាននិយាយថា “បាទ ខ្ញុំបានស៊ុតបញ្ចូលទីបានច្រើនជាងមុន ចាប់តាំងពីគាត់ចាកចេញ ប៉ុន្តែខ្ញុំក៏សំខាន់ផងដែរនៅពេលដែលគាត់នៅទីនេះជាមួយនឹងការបញ្ជូនបាល់របស់ខ្ញុំ”។“Cristiano បានជួយខ្ញុំបានច្រើនទាំងក្នុងនិងក្រៅទីលាន។
នៅពេលដែលគាត់ចាកចេញ ខ្ញុំបានផ្លាស់ប្តូរការលេងរបស់ខ្ញុំ និងមហិច្ឆតារបស់ខ្ញុំបន្តិច ហើយរហូតមកដល់ពេលនេះវាដំណើរការល្អ៕
ប្រភព៖ Marca