ខ្សែប្រយុទ្ធ Rafael Santos Borré របស់ក្រុម Frankfurt បាននិយាយថាពួកគេមានសមត្ថភាពគ្រប់គ្រាន់ដើម្បីប្រកួតប្រជែងជាមួយក្រុម Real Madrid បានក្នុងពានរង្វាន់ UEFA Super Cup ។
នៅម៉ោង២រំលងអាធ្រាត្រនេះ ក្រុម Real Madrid នឹងលេងទល់ក្រុម Frankfurt ក្នុងពានរង្វាន់ UEFA Super Cup នៅទឹកដីប្រទេសស៊ុយអែត។ មុនការប្រកួតនេះចាប់ផ្ដើម កីឡាករ Rafael ដែលធ្លាប់លេងនៅអេស្ប៉ាញជាមួយក្រុម Villarreal ១រដូវកាលនោះ បានបង្ហាញចំណាប់អារម្មណ៍ថាក្រុមអធិរាជសជាក្រុមខ្លាំង ប៉ុន្តែក្រុម Frankfurt ក៏មានសមត្ថភាពគ្រប់គ្រាន់ក្នុងការប្រកួតប្រជែងវិញដែរ។
ខ្សែប្រយុទ្ធកូឡំប៊ីដែលរំពឹងឈ្នះពានទី២ជាមួយក្រុម Frankfurt នៅយប់នេះ បាននិយាយថា៖ “ខ្ញុំធ្លាប់លេងនៅ La Liga និងប៉ះ Real Madrid ២ដង។ ពួកគេជាក្រុមមានកីឡាករមានសមត្ថភាពខ្ពស់ ប៉ុន្តែអ្នកអាចប្រកួតជាមួយពួកគេបាន។ សម្រាប់យើងលេងជាក្រុម យើងនឹងត្រូវកាត់បន្ថយការប្រយុទ្ធរបស់ពួកគេ និងយកឱកាសដើម្បីវាយបកវិញដើម្បីឈ្នះការប្រកួត”៕