Messi ស្រក់​ទឹក​ភ្នែក ពេល​ទៅ​បើក​ការដ្ឋាន​សាងសង់​មន្ទីរពេទ្យ​ព្យាបាល​មហារីក​នៅ​អេស្ប៉ាញ

Lionel Messi ​បាន​ចូល​រួម​បើក​ការ​សាងសង់​មន្ទីរ​ពេទ្យ ​និង​មជ្ឈមណ្ឌល​ស្រាវ​ជ្រាវ​​ជំងឺ​មហារីក​មួយ​កន្លែង​នៅ​ក្រុង Barcelona ​ប្រទេស​អេស្ប៉ាញ។

Messi ​មិន​អាច​ទប់​ទឹក​ភ្នែក​បាន​ឡើយ ​នៅ​ពេល​ធ្វើ​សន្នីសីទ​កាសែត ​ក៏​ដូចជា​និយាយ​ចំពោះ​ក្មេង​ៗ​ដែល​កំពុង​កើត​ជំងឺ​មហា​រីក​នេះ។ កីឡាករ​កំពូល​លើ​លោក ​បាន​និយាយ​ដូច្នេះ​ថា​៖ “​នេះ​ជា​ពេល​វេលា​ល្អ​មួយ​សម្រាប់​ខ្ញុំ ​ដែល​មាន​ឱកាស​បាន​ចូល​រួម​ក្នុង​គម្រោង​នេះ។ ខ្ញុំ​អរគុណ​ដល់​អ្នក​គ្រប់​គ្នា​ដែល​បាន​ផ្ដួចផ្ដើម​គម្រោង​នេះ​ឡើយ ​ហើយ​យើង​ទាំង​អស់​គ្នា​សង្ឃឹម​ថា​ក្មេង​ៗ ​នឹង​អាច​ប្រយុទ្ធ​ប្រឆាំង​ជាមួយ​ជំងឺ​កាច​សាហាវ​នេះ​បាន”។

កន្លែង​ថ្មី​ខាង​លើ​នេះ ​ឈ្មោះ​ថា SJD Pedriatric Center ​ហើយ​វា​នឹង​អាច​ជួយ​ដល់​អ្នក​ជំងឺ​បាន​៤០០​នាក់​ក្នុង​១​ឆ្នាំ។ ហើយ​វា​នឹង​ចំណាយ​ប្រាក់​ប្រមាណ​៣០​លាន​អឺរ៉ូ ដើម្បី​កសាង​វា​ឡើង៕ប្រភពAs

 

ភ្ជាប់ទំនាក់ទំនងជាមួយ CTS SPORT