Lionel Messi បន្ទាប់ពីជួយ Paris Saint-Germain យកឈ្នះទៅលើ Clerment Foot កាលពីចុងសប្តាហ៍កន្លងទៅ ក៏ស្រាប់តែប្រញាប់ធ្វើដំណើរហោះមក Barcelona ក្រោយតែរយៈពេលប៉ុន្មានម៉ោង នៃបញ្ចប់ការប្រកួត ដោយមិនមាននរណាអាចបកស្រាយពីមូលហេតុច្បាស់។
នេះវាក្រោយពេលតែប៉ុន្មានសប្តាហ៍ ដែលអ្នកចាត់ការលោក Xavi Hernandez និង Joan Laporta បានដាក់កម្តៅទៅលើរឿងរ៉ាវចង់នាំយកកីឡាករអាហ្សង់ទីនត្រលប់មកក្លឹបនៅតំបន់កាតាឡូញ៉ាជាថ្មី។ តែយ៉ាងណាមិនដឹងជាការចរចា ឬការសាកសួរពីលទ្ធភាពផ្ទេរឈានដល់ដំណាក់កាលណាទេ ហើយក៏កាន់តែមិនច្បាស់ដូចគ្នា អំពីវត្តមាននៃការចុះចតរបស់ Messi នៅទីក្រុង Barcelona សារនេះ។
គួររំឭកឲ្យដឹង Messi ហាក់ចាប់ផ្តើមរដូវកាលថ្មីបានយ៉ាងល្អ ជាមួយអ្នកចាត់ការថ្មី លោក Christophe Galtier ដោយរកបាន ៣ គ្រាប់ Assist ១ នៅ ២ ប្រកួតឲ្យ PSG ហើយក៏បញ្ចប់ទី តាមរយៈគ្រាប់បាល់ Bicycle Kick ផ្អើលអស់អ្នកគាំទ្រកាលពីថ្ងៃមុនផងដែរ។ សុពលភាពកុងត្រាកីឡាករអាហ្សង់ទីនសេសសល់ជាមួយ PSG រយៈពេល ១២ ខែពេញ ខណៈហាងឆេងតម្លៃខ្លួន អាចថ្លៃដល់ ៥០ លានអឺរ៉ូ៕
ប្រភព៖ BeSoccer