Barcelona នៅឆ្នាំ ២០១១ ប្រិយមិត្តប្រហែលជានៅចាំ ដោយឈ្នះទាំងពាន La Liga ក៏ដូចជា UEFA Champions League ហើយពានក្នុងស្រុក Copa del Rey ប៊ិះតែនឹងលើកទៀត តែចុងក្រោយចាញ់ Real Madrid ០-១។ យ៉ាងណារាប់ជាឆ្នាំមាស គួរឲ្យចងចាំបំផុតសម្រាប់អ្នកមានបុណ្យ ក្នុងរយៈពេល ២ ទសវត្សចុងក្រោយ។
ងាកមកអតីតខ្សែប្រយុទ្ធក្លឹប Aston Villa លោក Gabriel Agbonlahor បានលើកឡើងថា ក្លឹប Arsenal ឯណេះ កំពុងតែបង្ហាញទម្រង់លេងល្អ ដូចកាល Barcelona ឆ្នាំ ២០១១ នោះអ៊ីចឹង ពោលបន្ទាប់ពីមើលនូវចង្វាក់លេងដែលក្រុមកាំភ្លើងធំ បង្ហាញការយកឈ្នះ ២-០ ទៅលើ Crystal Palace កាលពីថ្ងៃបើកឆាក PL។
លោក Agbonlahor និយាយ៖ “Arsenal បានបង្ហាញភាពល្អឥតខ្ចោះ ៤៥ នាទីនៅរដូវកាលនេះ ខុសពីប្រកួតមុនៗយើងធ្លាប់បានទស្សនា ពួកគេធ្វើបានល្អណាស់ Gabriel Jesus លេងដោយភាពមុតស្រួច ហើយ Zinchenko ក៏គ្រប់គ្រងបាល់បានល្អ មើលទៅមិនខុសពី Barcelona ជំនាន់ឆ្នាំ ២០១១ ឡើយ”។ រំឭកបន្តិច ប្រកួតបន្ទាប់ក្លឹបដឹកនាំដោយអ្នកចាត់ការលោក Mikel Arteta ត្រូវកំណត់ជួប Leicester City នាវេលាម៉ោង ០៩:០០ នាទីយប់ ថ្ងៃសៅរ៍ ទី ១៣ សីហា៕
ប្រភព៖ TalkSPORT