ខ្សែប្រយុទ្ធចំណូលថ្មី Erling Haaland បានបង្ហាញការយល់ឃើញ អំពីចំណាត់ការអ្នកចាត់ការនៅក្លឹបមេឃខៀវ Man City គឺលោក Pep Guardiola ថាជាមនុស្សទាមទារលទ្ធផលខ្ពស់ ពោលគ្រប់យ៉ាងត្រូវតែសម្រេចឲ្យបាន ១០០ ភាគរយ។ នេះជាការលើកឡើងមុនក្លឹបខាងលើ ត្រូវចូលជួបម្ចាស់ដី West Ham នៅរាត្រីថ្ងៃអាទិត្យ។
ខ្សែប្រយុទ្ធន័រវែស កំពុងស្ថិតក្រោមការឃ្លាំមើលពីអ្នកគាំទ្រ ដោយចង់ដឹង តើគេអាចបើកគណនីគ្រាប់បាល់នៅជុំដំបូងបានដែរទេ ពោលយប់នេះ ជាការបង្ហាញខ្លួនលើកទីមួយនៅ Premier League និងជាការស្នងតំណែងបន្តពីឪពុកលោក Alfe Inge ក៏ធ្លាប់ជាអតីតកីឡាករមេឃខៀវមួយរូបដែរ។
ងាកទៅ Haaland លើកឡើង៖ “Guardiola គាត់ទាមទារខ្ពស់ណាស់ គ្រប់យ៉ាងគឺត្រូវធ្វើឲ្យបាន ១០០ ភាគរយ មិនថាក្នុងការហ្វឹកហាត់បែបណា លំហាត់ប្រាណបែបណា ត្រូវតែ ១០០ ភាគរយទាំងអស់”។
បន្តទៅរឿងរ៉ាវលោកឪពុក កីឡាករខាងលើបន្ត៖ “ឪពុកខ្ញុំគាត់ចង់ឃើញបែបនេះ ចង់ឃើញការសម្រេចចិត្តរបស់ខ្ញុំ អារម្មណ៍របស់ខ្ញុំដែលមានចំពោះក្លឹប ហើយអតីតកាលក៏ជាកម្លាំងជំរុញទឹកចិត្តខ្ញុំមួយផ្នែកដែរ”៕
ប្រភព៖ BeSoccer