ក្លឹប Man Utd នឹងត្រូវបើកកីឡដ្ឋានស្វាគមន៍ក្លឹប Brighton នៅរាត្រីម៉ោង ០៨:០០ នាទីយប់នេះ ដែលជាជំនួបជុំទីមួយ នៅក្របខ័ណ្ឌកំពូលអង់គ្លេស Premier League។ ដ្បិតវាជាប្រកួតផ្លូវការក្រោមការដឹកនាំរបស់លោក Erik ten Hag តែវាក៏ប្រឈមហានិភ័យខ្ពស់ នឹងធ្លាក់ទៅក្នុងកំណត់ត្រាអាក្រក់ខកខានកើតមាន ៤៩ ឆ្នាំផងដែរ។
យើងរំឭកទៅចុងរដូវកាលមុន នៅជុំចុងក្រោយ ដឹកនាំដោយ Ralf Rangnick ក្លឹបបានចាញ់ ១-០ ក្រោមថ្វីជើង Crystal Palace។ ឥឡូវបើករដូវកាលថ្មី ជុំដំបូង បើក្លឹបបន្តចាញ់ទៀត នោះនឹងក្លាយជាការចាញ់ នៅចុងនិងបើករដូវកាល ខកខានកើតឡើងតាំងពីឆ្នាំ ១៩៧៣។
ក្លឹបឈ្នះជើងឯក ២០ សម័យកាល ធ្លាប់បានចាញ់ Chelsea ១-០ នៅជុំចុងក្រោយរដូវកាល ១៩៧២/៧៣ ហើយចូលដល់រដូវកាលថ្មី ១៩៧៣/៧៤ ជុំដំបូងនោះក៏ចាញ់ Arsenal ៣-០ ថែមទៀត។ អ៊ីចឹងចាំមើលយប់នេះ តើក្លឹបអាចឆ្លងផុតកំណត់ត្រាខាងលើដែរឬក៏យ៉ាងណា?
ប្រភព៖ Sportsmole