Erik ten Hag ប្រឈមមុខនឹងបញ្ហាដ៏ធំជាមួយ Cristiano Ronaldo នៅពេលគាត់ជ្រើសរើស១១នាក់ដំបូងរបស់ Manchester United។
ព័ត៌មានអំពីអនាគតរបស់ខ្សែប្រយុទ្ធព័រទុយហ្គាល់រូបនេះ បានគ្របដណ្ដប់លើរដូវដោះដូរកីឡាកររបស់បិសាចក្រហមទាំងមូល បន្ទាប់ពីគាត់បានជ្រើសរើសមិនចូលរួមការប្រកួតមិត្តភាពទេសចរណ៍មុនបើករដូវកាលរបស់ពួកគេ។ក្រោយមកគាត់បានត្រលប់ទៅហ្វឹកហាត់វិញ ហើយបានបង្ហាញខ្លួនក្នុងការប្រកួតស្មើ ១-១ កាលពីចុងសប្តាហ៍មុនជាមួយ Rayo Vallecano ប៉ុន្តែគាត់បានខឹងលោក Ten Hag ដែលបានប្តូរគាត់ចេញនៅតង់ទី២ និងបានចាកចេញពី Old Trafford មុនពេលការប្រកួតបានបញ្ចប់។
Ronaldo វ័យ ៣៧ឆ្នាំប្រហែលជាស្ថិតនៅកៅអីបម្រុងនៅពេលដែលប៉ះ Brighton នៅទឹកដី Old Trafford នារាត្រីនេះ។ប៉ុន្តែបន្ទាប់ពីមានព័ត៌មានថា Anthony Martial មានរបួសសរសៃពួរមិនទាន់ជាសះស្បើយ CR7 ប្រហែលជាទំនងត្រូវចាប់ផ្តើម១១នាក់ដំបូង ជំនួសកន្លែង Martial។
ម៉្យាងទៀត Marcus Rashford អាចត្រូវបានដាក់លេងនៅតំបន់ណ្តាល បើទោះបីជាគាត់មានទម្លាប់លេងនៅតំបន់ខាងឆ្វេងក៏ដោយ។
ដោយ Dean Henderson បានចាកចេញទៅកាន់ Nottingham Forest នោះ David de Gea នឹងចាប់ផ្តើមដំបូង។
Raphael Varane អាចចាប់ដៃគូជាមួយ Harry Maguire នៅខ្សែការពារកណ្តាល ក្នុងនោះផងដែរ Ten Hag នឹងត្រូវដោះស្រាយអ្វីតួនាទីជាមួយកីឡាករចំណូលថ្មី Lisandro Martinez។
កីឡាករអាហ្សង់ទីនអាចមានតួនាទីជំនួស Varane ឬក៏ត្រូវបានជ្រើសរើសនៅខ្សែការពារឆ្វេងមុន Luke Shaw និង Tyrell Malacia។
ជាមួយនឹង United ព្យាយាមមិនប្រើប្រាស់ Aaron Wan-Bissaka ដូច្នេះកីឡាករ Diogo Dalot ទំនងជាអាចទទួលបានតំណែងជាខ្សែការពារស្តាំ។
នេះជា Line-up ដែលអាចរៀបឲ្យលេងនារាត្រីនេះ
ប្រភព៖ The Sun