តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ The Red Eagle FT។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
The Red Eagle FT ជាក្រុមមានមូលដ្ឋានស្ថិតក្នងទីក្រុងភ្នំពេញ បង្កើតឡើងរយៈ ៥ ឆ្នាំមកហើយ និងមានសមាជិកសរុប ២២ នាក់។ តំណាងក្រុម យុវជន ចិត្ត ពិសិដ្ឋ បានលើកឡើងយ៉ាងដូច្នោះថា៖
ខ្ញុំចង់ឲ្យយុវជនរបស់យេីង ចូលរួមលេងកីឡាអោយបានច្រេីន ហើយប្រកាន់ខ្ជាប់ពាក្យ លេងកីឡាដើម្បីសុខភាព បង្កើតមិត្តភាព រួចមិនត្រូវយកអំពើហិង្សាមកដាក់មុខនោះទេ ជារួមទៅលើទីលានប្រកួត ចូរប្រកាន់គោលជំហរនៃភាពអត់ធ្មត់ និងសីលធម៌ជានិច្ច។
ប្រធានក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
តំណាងឲ្យក្រុមទាំងមូល ខ្ញុំសូមថ្លែងអំណរគុណ ដល់ក្រុមហ៊ុន 2MBET ដែលបានផ្តល់ជាសំលៀកបំពាក់ដល់ក្រុមរបស់ខ្ញុំ និងសូមជូនពរដល់ក្រុមការងារទាំងអស់ឲ្យមានសុខភាពល្អ ក៏ដូចជាទទួលបានជោគជ័យគ្រប់ភារកិច្ចការងារ៕