Kalidou Koulibaly បានបង្ហាញពីការភ្ញាក់ផ្អើល មិនគួរឲ្យជឿដែល John Terry ដាក់ទូរស័ព្ទចុះ នៅពេលដែលគាត់បានទូរស័ព្ទទៅ Legend របស់ Chelsea ដើម្បីសុំការអនុញ្ញាតពាក់អាវលេខ 26 ដែលជាលេខអាវចាស់របស់គាត់នោះ។លេខ 26 ជាលេខដែលមានសារៈសំខាន់ចំពោះកីឡារករដែលមានតម្លៃខ្លួន ៣៤លានផោន Koulibaly ក៏ដូចជា Terry ដោយវាមិនត្រឹមតែជាលេខចាស់របស់ Koulibaly នៅ Napoli នោះទេ ប៉ុន្តែវាក៏ជាលេខថ្ងៃខែរបស់ប្រធានក្រុមសេណេហ្គាល់និងប្រពន្ធរបស់គាត់ Charline Oudenot កើតនៅថ្ងៃខែតែមួយ – ថ្ងៃទី២០ ខែមិថុនា (20–6) នៅក្នុងមន្ទីរពេទ្យតែមួយនៅក្នុងប្រទេសបារាំង។វីដេអូដែលពោរពេញទៅដោយទឹកមុខភ័យបស់ Koulibaly សួរទៅកាន់ Terry ថាតើគាត់អាចពាក់អាវដែលមិនទាន់បានកាន់កាប់ចាប់តាំងពីការចាកចេញរបស់គាត់នៅឆ្នាំ២០១៧ បានលេចឡើងនៅលើប្រព័ន្ធផ្សព្វផ្សាយសង្គមក្នុងសប្តាហ៍នេះ ហើយគាត់បាននិយាយថា៖ ‘ដំបូងឡើយ គាត់មិនជឿថាជាខ្ញុំទេ។ គាត់គិតថាវាជាការលេងសើច ដូច្នេះគាត់បានដាក់ទូរស័ព្ទចុះ រួចតេទៅកាន់អ្នកគ្រប់គ្រងក្រុម Chelsea ដើម្បីសួរថាតើពិតជាខ្ញុំមែន ឬអត់។’បន្ទាប់ពីខ្ញុំបានសួរគាត់ដោយការគោរពថាខ្ញុំចង់ពាក់អាវលេខរបស់គាត់ ហើយខ្ញុំដឹងថាវាជាលេខសំខាន់សម្រាប់គាត់ ប៉ុន្តែវាជាលេខសំខាន់សម្រាប់ខ្ញុំដូចគ្នា ព្រោះខ្ញុំបានពាក់វាពេលខ្ញុំលេងនៅ Napoli ហើយខ្ញុំចង់ពាក់វានៅ Chelsea បន្តទៀត។ នៅពេលដែលគាត់ប្រាប់ខ្ញុំថា “បាន” ខ្ញុំពិតជាសប្បាយចិត្តណាស់ ព្រោះខ្ញុំដឹងពីអ្វីដែលគាត់បានធ្វើសម្រាប់ក្លឹប អ្នកគាំទ្រ និងទីក្រុងនៅទីនេះ។‘វាមានសារៈសំខាន់ខ្លាំងណាស់សម្រាប់ខ្ញុំក្នុងការសុំគាត់ ហើយគាត់បានផ្តល់ចម្លើយដល់ខ្ញុំ។ ខ្ញុំសប្បាយចិត្ត ហើយខ្ញុំចង់ប្រាប់អ្នកគ្រប់គ្នាថាខ្ញុំបានសុំការអនុញ្ញាតពីគាត់រួចហើយ ពីព្រោះខ្ញុំមិនចង់យកលេខអាវវីរបុរសក្លឹបពាក់ងាយៗ ដោយខ្វះការគោរពនោះទេ។’
ប្រភព៖ Daily Mail