ប្រធានក្រុម Manchester United កីឡាករ Harry Maguire ត្រូវបានតុលាការផ្តល់កាលបរិច្ឆេទឡើងសវនាការជុំវិញជម្លោះមួយដែលបានកើតឡើងនៅពេលគាត់កំពុងសម្រាកនៅលើកោះ Syros របស់ក្រិក។
ការជំនុំជម្រះនេះត្រូវបានកំណត់យកថ្ងៃទី៧ ខែមិថុនាឆ្នាំក្រោយហើយត្រូវបានគេរំពឹងថានឹងធ្វើឡើងនៅលើកោះ Syros របស់ក្រិកនៅជិត Mykonos នោះតែម្តង។
Maguire និងបងប្រុសរបស់គាត់បានជាប់ពាក់ព័ន្ធក្នុងការឈ្លោះប្រកែកគ្នាបន្ទាប់ពីបុរសពីរនាក់ត្រូវបានសង្ស័យថាបានព្យាយាមដាក់ថ្នាំបងស្រីរបស់ពួកគេ Daisy ដើម្បីចាប់រំលោភ។ Daisy ដួលបណ្តាលឲ្យមានការប្រតាយប្រតប់ ហើយប៉ូលិសក៏បានទៅដល់កន្លែងកើតហេតុ។
Maguire និងបងប្រុសរបស់គាត់ឈ្មោះ Joe ត្រូវបានគេរកឃើញថាមានពិរុទ្ធពីបទរំលោភលើមន្ត្រីម្នាក់ និងប៉ុនប៉ងសូកប៉ាន់ ហើយត្រូវបានកាត់ទោសឱ្យជាប់ពន្ធនាគាររយៈពេល ២១ខែ និង ១០ថ្ងៃ។
ចាប់តាំងពីពេលនោះមក កីឡាករវ័យ ២៩ឆ្នាំរូបនេះបានរក្សាភាពគ្មានកំហុសរបស់ខ្លួន ទោះបីជាមានការកាត់ទោសក៏ដោយ។
Maguire បាននិយាយនៅពេលនោះថា “ខ្ញុំបានណែនាំក្រុមការងារផ្នែកច្បាប់របស់ខ្ញុំភ្លាមៗដើម្បីជូនដំណឹងដល់តុលាការថាយើងនឹងប្តឹងឧទ្ធរណ៍។
ខ្ញុំនៅតែរឹងមាំ និងជឿជាក់ចំពោះភាពគ្មានកំហុសរបស់ពួកយើងក្នុងបញ្ហានេះ។ បើមានបញ្ហាអ្វីមួយកើតឡើងចំពោះ ខ្លួនខ្ញុំ ក្រុមគ្រួសារ និងមិត្តភក្តិរបស់ខ្ញុំ គឺជាជនរងគ្រោះ។
ប្រភព៖ Daily Mail