ខ្សែការពារ Sergi Roberto ត្រូវបានសហព័ន្ធបាល់ទាត់អេស្ប៉ាញ ពិន័យ៤ប្រកួត ចំពោះរឿងដែលរូបគេវាយកីឡាករ Marcelo ក្នុងការប្រកួត El Clasico កាលពីពេលកន្លងទៅ។
លោកអាជ្ញាកណ្ដាល Alejandro Jose Hernandez បានសរសេររបាយការណ៍ក្នុងការប្រកួតថា Roberto មានចេតនា វាយទៅលើ Marcelo ។ ដោយនេះ ជាកំហុសឆ្គងមួយ និងមិនអនុញ្ញាតឱ្យកីឡាករធ្វើឡើយ។ យោងតាមរបាយការណ៍នេះហើយ ទើបបានជាសហព័ន្ធបាល់ទាត់អេស្ប៉ាញសម្រេចពិន័យខ្សែការពាររូបនេះ៤ប្រកួត ហើយបង់ជាប្រាក់៣ពាន់អឺរ៉ូថែមទៀត។ ក្នុងរឿងនេះ Barcelona ក៏មានចំណែកដែរ ដោយត្រូវ La Liga ពិន័យជាង១ពាន់អឺរ៉ូដែរ។
ដោយ៤ប្រកួតនេះ រាប់ទាំងការប្រកួតជាមួយក្រុម Villarreal កាលពីយប់មិញផងដែរ។ ៣ប្រកួតបន្ទាប់របស់ Roberto ដែលត្រូវខកខានរួមមាន Levante Real Sociedad និង១ប្រកួតទៀតក្នុងពានរង្វាន់ Spanish Super Cup ទល់ក្រុម Sevilla ៕