អ្នកចាត់ការក្លឹបតោខៀវ Chelsea លោក Thomas Tuchel បានប្រកាសចែកផ្លូវគ្នា ជាមួយអតីតភរិយាអ្នកស្រី Sissi បន្ទាប់ពីរួមរស់រវាងគ្នាអស់រយៈពេល ១៣ ឆ្នាំ។ មិនយូរប៉ុន្មានបុរសសញ្ជាតិអាល្លឺម៉ង់ ក៏រកបានគូស្នេហ៍ល្អូកល្អិនថ្មី ដោយកំពុងបង្កាត់ភ្លើងស្នេហ៍រវាងតារាម៉ូដែលសញ្ជាតិប្រេស៊ីល ឈ្មោះ Natalie Max។
ខាងស្រីមានអាយុ ៣៥ ឆ្នាំ ក្មេងជាងខាងប្រុស គឺលោក Tuchel ដែលមានអាយុ ៤៨ ឆ្នាំ។ កន្លងទៅគេប្រទះឃើញអ្នកទាំងពីរ រីករាយនឹងដំណើរកម្សាន្តលើកប៉ាល់មួយ នៅកោះ Sardinia ប្រទេសអ៊ីតាលី។
បើតាមការចុះផ្សាយរបស់ TheSun បានចែកចាយរូបភាពដែលគូស្នេហ៍ទាំងពីរ កាន់ដៃគ្នា ឱបថើបគ្នា មើលទៅជាទំនាក់ទំនងផ្អែមល្ហែមខ្លាំង។ រំឭកដែរថា Natalie ក៏ជាស្រ្តីមេម៉ាយ ដែលមានកូនក្នុងបន្ទុក ២ រូប ហើយសព្វថ្ងៃរស់នៅក្នុងទីក្រុងឡុង ចក្រភពអង់គ្លេស ដូច្នេះទំនាក់ទំនងក៏ប្រហែលជាកើតឡើងតាំងពីលោក Tuchel មកដឹកនាំក្លឹប Chelsea ក៏ថាបាន៕
ប្រភព៖ The Sun