Keylor Navas មិនបានឈរឈ្មោះជាអ្នកចាំទីដៃទីមួយនោះទេ ពោលគឺ Gianluigi Donnarumma បន្តជាប់ឈ្មោះដដែល បើក្រោមការដឹកនាំរបស់អ្នកចាត់ការថ្មី លោក Christophe Galtier។ ហេតុនេះក៏បង្ខំចិត្តឲ្យកីឡាករសញ្ជាតិកូស្តារីកា រំអុកចង់ចាកចេញពីក្លឹបមានមូលដ្ឋានក្នុងទីក្រុងប៉ារីស ហើយទ្រនំនៅឯទឹកដីអ៊ីតាលី អាចជាគោលដៅអាទិភាព។
កីឡាករវ័យ ២៥ ឆ្នាំ សេសសល់សុពលភាពកុងត្រាដល់ចុងខែមិថុនា ឆ្នាំ ២០២៤ ខណៈហាងឆេងតម្លៃខ្លួន អាចថ្លៃតែល្បាក់ ៨ លានអឺរ៉ូ។ ក្លឹបដែលកំពុងស្ថិតក្នុងការចរចា គឺ Napoli ហើយតម្លៃផ្ទេរមិនជាបញ្ហា តែទាស់ត្រង់តម្លៃពលកម្ម កីឡាករខាងលើហាក់បន្តចង់បានខ្ពស់ជ្រុល ទើបនាំឲ្យការជជែករវាងភាគីសងខាង ត្រូវបន្ថែមការអូសបន្លាយពេល។ នេះបើតាមសារព័ត៌មាន Corriere dello Sport បានចុះផ្សាយ។
ខាង Navas ចង់បានប្រាក់ឈ្នួល មួយរដូវកាលជាង ៧ លានអឺរ៉ូ ជាទំហំខ្ពស់ក្រាស់ក្រែល សម្រាប់ក្លឹបគីឡូមធ្យម ដែលមិនសូវចាយលុយដូចជា Napoli។ យ៉ាងណាបើការចរចាមិនសម្រេច នោះក្លឹបអាចជាបង្វែរទៅគោលដៅមួយផ្សេងទៀត គឺជាមួយ Kepa Arrizabalaga ដែលលែងជាចំណែកសំខាន់ដូចគ្នា ឲ្យក្លឹបតោខៀវ Chelsea ហើយបើនិយាយពីប្រាក់ឈ្នួល ក៏កីឡាករអេស្ប៉ាញ នឹងទាមទារទាបជាងកីឡាករកូស្តារីកាផងដែរ៕
ប្រភព៖ CdS