Jules Kounde បានក្លាយជាចំណូលថ្មីមួយបន្ថែមទៀត ឲ្យក្លឹប Barcelona ហើយក្រោយការផ្ទេរ កីឡាករក៏បង្ហាញនូវចំណាប់អារម្មណ៍ ពោរពេញដោយក្តីរំភើប និងមោទនភាព ជាពិសេសការដែលអាចស្ថិតក្រោមការដឹកនាំរបស់អ្នកចាត់ការលោក Xavi Hernandez។
ខ្សែការពារខាងលើ ផ្ទេរចេញពី Sevilla មក Barcelona នៅតម្លៃខ្លួន ៥០ លានអឺរ៉ូ ហើយទំនងជាបង្ហាញវត្តមានលើទីលាននៅពេលដ៏ខ្លីខាងមុខ ពោលអាចប្រកួតទល់ Pumas UNAM នៅពាន Joan Gamper Trophy នាថ្ងៃទី ៨ សីហា ក៏មានផ្សាយផ្ទាល់លើទំព័រ CTS SPORT។
Kounde បាននិយាយបែបនេះ៖ “ខ្ញុំពិតជាមានមោទនភាព រីករាយ រំភើបជាខ្លាំង ការដែលអាចមកចូលរួមនៅក្លឹបដ៏ធំមួយនេះ ខ្ញុំពិតជាមិនអាចទន្ទឹងរង់ចាំនឹងការបង្ហាញខ្លួនលើទីលាន ដោយ Sevilla ជាក្លឹបល្អមួយ តែការមកចុះចូល Barcelona ជាជំហានថ្មីក្នុងអាជីព រួច Xavi ជាហេតុផលមួយនៅពីក្រោយការសម្រេចចិត្ត ខ្ញុំពេញចិត្តនឹងការនិយាយរបស់គាត់ យើងមើលឃើញចក្ខុវិស័យលើវិថីបាល់ទាត់តែមួយដូចគ្នា”៕
ប្រភព៖ Marca