ការដែល Real Madrid មិនចង់បានតារាឆ្នើម Cristiano Ronaldo ត្រលប់មកវិញ ក៏មានហេតុផលនៅពីក្រោយនោះច្រើនដែរ ពោលមិនមែនតែជាការសម្រេចចិត្តរបស់ថ្នាក់លើក្លឹបឯកឯងនោះទេ។ ដោយសូម្បីតែ Karim Benzema ក៏ជាអ្នកព្យាយាមបិទផ្លូវ មិនចង់ឲ្យរឿងនេះកើតឡើងទៅបានដែរ។
បើតាមសារព័ត៌មាន El Nacional ចុះផ្សាយថា កីឡាករបារាំងមើលឃើញពីភាពគ្រប់គ្រាន់នៅតំបន់ប្រយុទ្ធរបស់ Madrid ហើយបារម្ភខ្លាចក្រែង Ronaldo ត្រលប់មកវិញ នាំឲ្យកេរ្តិ៍ឈ្មោះ និងឱកាសរបស់ខ្លួន ត្រូវលិចបាត់សារជាថ្មី។ ជាការពិត គ្រា CR7 នៅស្តេចស លោកតែងជាអ្នកនាំមុខលើការរកគ្រាប់បាល់ លុះដល់ក្រោយការចាកចេញ ក៏បង្វែរមកជាកីឡាករបារាំង ជាអ្នកបំពេញជំនួស។
ស្ថិតិកាលពីរដូវកាលមុន បុរសវ័យ ៣៤ ឆ្នាំ ជាចំណែកធំជួយ Real លើកពាន UCL ហើយសរុបស្ថិតិបង្ហាញខ្លួន ៤៦ ប្រកួត រកបាន ៤៤ គ្រាប់និង Assist ១៥ លើក។ យ៉ាងណាសុពលភាពកុងត្រាកីឡាករសល់តែរយៈពេល ១២ ខែទៀតប៉ុណ្ណោះ ខណៈដំណឹងការបន្តថ្មី មិនទាន់ជាលេចលឺចេញមកនៅឡើយ៕
ប្រភព៖ El Nacional