តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ DEBUG Team។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
DEBUG Team ជាក្រុមមានមូលដ្ឋានស្ថិតក្នងទីក្រុងភ្នំពេញ បង្កើតឡើងរយៈពេល ៦ ឆ្នាំ ហើយមានសមាជិកចំនួន ១៨ នាក់។ មានតំណាងក្រុមគឺលោក ង៉ួន ឈាងហុង បានលើកឡើងយ៉ាងដូច្នោះថា៖
ក្នុងនាមជាអ្នកស្រលាញ់វិស័យបាល់ទាត់ម្នាក់ ខ្ញុំបាទសូមលើកទឹកចិត្តឲ្យអ្នករាល់គ្នាចូលរួមលេងកីឡា មិនថាតែកីឡាបាល់ទាត់ ឬកីឡាដទៃទៀត ពោលយ៉ាងហោចណាស់ឲ្យបានមួយ ដោយនេះមិនត្រឹមតែទទួលបានសុខភាពល្អ ទៀតសោតក៏ជាការចូលរួមបង្កើតធនធាន ទុកសម្រាប់ប្រកួតប្រជែងតំណាងឲ្យប្រទេសកម្ពុជា លើឆាកអន្តរជាតិនាពេលទៅមុខផងដែរ។
ប្រធានក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
ជាចុងក្រោយអរគុណដល់ 2MBET ដែលបានជួយឧបត្ថម្ភឯកសណ្ឋានមកកាន់ក្រុមខ្ញុំ និងក្រុមដទៃផ្សេងទៀត នៅគ្រប់បណ្តាខេត្ត/ក្រុង ដោយនេះវាពិតជាបានចូលរួមចំណែកអភិវឌ្ឍកីឡាបាល់ទាត់មួយចំណែកផងដែរ៕