នាយកប្រតិបត្តិក្លឹប Bayern Munich លោក Oliver Kahn បានបង្ហើបតម្រុយវិជ្ជមានជុំវិញការចង់បានតារាឆ្នើម Harry Kane របស់ក្លឹប Tottenham Hotspur ដែលនេះជាការលើកឡើង ផ្ទុយស្រឡះពីការនិយាយរឿងរ៉ាវ Cristiano Ronaldo កាលពីពេលមុន ពោលដូចការបដិសេធយ៉ាងដាច់អហង្ការ។
អតីតអ្នកចាំទី និងកំពុងជានាយកជាន់ខ្ពស់មួយរូប នៅក្លឹបអាល្លឺម៉ង់ និយាយច្បាស់ៗ៖ “Kane គេស្ថិតក្រោមកុងត្រានៅ Spurs តែយ៉ាងណាច្បាស់ណាស់ គេជាខ្សែប្រយុទ្ធលំដាប់កំពូលមួយ រួចគេក៏ជាកីឡាករក្នុងក្តីស្រមៃរបស់ពួកយើងនៅថ្ងៃអនាគត ដូច្នេះមានតែរង់ចាំមើល តើនឹងមានរឿងអ្វីកើតឡើង”។
រំឭកថា កីឡាករវ័យ ២៨ ឆ្នាំ នៅតែជាចំណែកខ្វះពុំបាន ក្រោមការដឹកនាំរបស់លោក Antonio Conte។ ជាមួយកុងត្រាសេសសល់ដល់ចុងខែមិថុនា ឆ្នាំ ២០២៤ ក៏នាំឲ្យហាងឆេងតម្លៃខ្លួន កីឡាករអង់គ្លេសអាចថ្លៃដល់ល្បាក់ ៩០០ លានអឺរ៉ូ។ សរុបស្ថិតិបង្ហាញខ្លួនឲ្យ Spurs ៣៨៥ ប្រកួតរកបាន ២៤៧ គ្រាប់និង Assist ៥៩ លើក៕
ប្រភព៖ Sportskeeda