តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ HIC-F1។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
HIC-F1 ជាក្រុមដែលបង្កើតឡើងនៅដើមឆ្នាំ ២០២២ ដោយក្រុមមានមូលដ្ឋានស្ថិតក្នុងទឹកដីខេត្តសៀមរាប គ្រប់គ្រងដោយប្រធាន លោក សូ ផានិត បានលើកឡើងយ៉ាងដូច្នោះថា៖
សូមលើកទឹកចិត្តដល់យុវជនទាំងអស់ឲ្យងាកមកលេងកីឡា មិនថាកីឡាបាល់ទាត់ឬកីឡាផ្សេងៗឡើយ គឺសុទ្ធតែល្អចំពោះសុខភាព ការលេងកីឡានឹងជួយយើងជៀសផុតពីគ្រឿងញៀន ហើយសម្រាប់ក្រុមបាល់ទាត់ F1 នឹងរក្សាការលេងជាក្រុម យើងជឿជាក់ថាក្រុមរបស់យើងនឹងបន្តដំណើរលើវិថីបាល់ទាត់នេះបានវែងឆ្ងាយទៅមុខទៀត។
ប្រធានក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
ក្នុងនាមខ្ញុំជាតំណាងក្រុមបាល់ទាត់ F1 សូមអរគុណដល់ក្រុមហ៊ុន 2MBET ដែលតែងតែចូលរួមលើកស្ទួយវិស័យកីឡា ថែមទាំងបានជួយឧបត្ថមជាឈុតកីឡាដ៏ស្រស់ស្អាតសម្រាប់ក្រុមបាល់ទាត់ ពួកយើងពិតជាអរគុណខ្លាំងណាស់៕