តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ គិរីសួគ៌អង្គរ។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
គិរីសួគ៌អង្គរ ជាក្រុមដែលបង្កើតឡើងកាលពីថ្ងៃទី ១ មករា ឆ្នាំ ២០២២ រួចមានសមាជិកចូលរួម ៣៨នាក់ បែងចែកជាឈុតធំ ២៣ នាក់ និងឈុតតូច ១៥ នាក់។ ក្រុមមានមូលដ្ឋានស្ថិតក្នងស្រុកពួក ខេត្តសៀមរាប មានតំណាងក្រុម គឺលោក ប៊ុន កែវ បានលើកឡើងយ៉ាងដូច្នោះថា៖
ក្នុងនាមខ្ញុំបាទជាអ្នកស្រលាញ់វិស័យបាល់ទាត់ ខ្ញុំចង់សំណូមពរឲ្យបងប្អូនងាកមកចាប់អារម្មណ៍នឹងវិស័យកីឡា ពិសេសគឺចង់ឲ្យអាណាព្យាបាលជួយជ្រោមជ្រែងនិងលើកទឹកចិត្តដល់ពួកគាត់ផ្ទាល់ ព្រោះថាកីឡាពិតជាមានអត្ថប្រយោជន៍ខ្ល្លាំងណាស់សម្រាប់ខ្លួនឯង គ្រួសារ ពិសេសគឺសង្គម កីឡាជួយទាញយើងចេញពីភាពឯកកា ជួយឲ្យយើងទទួលបានរាងកាយមាំមួន មានសាមគ្គីភាព មិត្តភាពល្អជាមួយមនុស្សជុំវិញ គ្រប់ស្រទាប់វណ្ណៈ លើសពីនេះកីឡាក៏បានជួយឲ្យក្មេងៗជៀសឆ្ងាយពីគ្រឿងញៀន ម្យ៉ាងទៀតកីឡាថែមទាំងនាំកេរ្តិ៍ឈ្មោះល្បីល្បាញភាយសាយគ្រប់ទិសទីទាំងក្នុងស្រុកនិងក្រៅស្រុក។
ដូចនេះហើយខ្ញុំចង់ឲ្យយុវជនជំនាន់ក្រោយងាយមកលេងកីឡាឲ្យបានច្រើន ដើម្បីជួយឲ្យធនធានកីឡាបាល់ទាល់នៅកម្ពុជា កាន់តែសម្បូរយុវជនមានសមត្ថភាព ជាចំណែកអាចជួយស្ដារក៏ដូចជាលើកមុខមាត់ប្រទេសជាតិក្នុងវិស័យបាល់ទាត់នាពេលខាងមុខពិសេសខ្ញុំចង់ឲ្យមានតារាងបាល់ទាត់តាមសាលារៀនដើម្បីបណ្តុះគំនិតឲ្យយុវជនបានចូលរួមនិងស្រលាញ់វិស័យកីឡា “បើបោះបង់កីឡា គឺបោះបង់សុខភាព”។
នាពេលអនាគតខ្ញុំចង់ឲ្យក្រុមក្លាយជាក្រុមដែលខ្លាំង មានវិន័យល្អ មានពេលហាត់និងសម្ភារៈហ្វឹកហាត់គ្រប់គ្រាន់ រួចមានការប្រកួតពានធំនៅក្នុងតំបន់ ពិសេសចង់ឲ្យក្រុមក្លាយជាជាក្រុមមួយពាក់កណ្តាលអាជីព និងមានស្តង់ដាសមស្រប បើសិនជាពួកយើងមានលទ្ធភាព ។
តំណាងក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
តាំងនាមតំណាងឲ្យក្រុមបាល់ទាត់គីរីសួគ៌អង្គរ (Kirisour Angkor Football Team) សូមថ្លែងអំណរអរគុណ ដល់ក្រុមហ៊ុន 2MBET ដែលបានឧបត្ថម្ភសម្លៀកបំពាក់ដល់ក្រុមរបស់ពួកខ្ញុំ ជាចុងក្រោយសូមជូនពរឲ្យក្រុមហ៊ុនទទួលបានអ្នកគាំទ្រច្រើនៗ ពិសេសក្លាយជាក្រុមហ៊ុនដែលមានការអភិវឌ្ឍឈានមុខគេក្នុងប្រទេសកម្ពុជា៕