តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ ស្រមោចក្រហមគគីរ United (ជនជាតិដើមកួយ)។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
ស្រមោចក្រហមគគីរ United ជាក្រុមដែលបង្កើតឡើងតាំងពីឆ្នាំ ២០១៧ រួចមានសមាជិកសរុបចំនួន ១៨ នាក់ ហើយធ្លាប់ចូលរួមប្រកួតពានមិត្តភាពប្រចាំតំបន់បាន ៣ លើក ដែលពានមានឈ្មោះជាភាសាជនជាតិថា កួយតាក(មនុស្សដែក) មានក្រុមចំនួន ៨ មកចូលរួម។ នៅឆ្នាំដំបូង ២០១៧ ក្រុមខាងលើ យកបានលេខ ១ ឆ្នាំ ២០១៨ បានលេខ៣ ឆ្នាំ ២០១៩ បានលេខ ១។ ក្រុមមានមូលដ្ឋានស្ថិតក្នងទឹកដីនៃខេត្តកំពង់ធំ មានតំណាងក្រុម គឺលោក អ៊ុន រដ្ឋា បានលើកឡើងយ៉ាងដូច្នោះថា៖
ខ្ញុំបាទចង់អោយយុវជនកម្ពុជាយើង ទំនេរពីការសិក្សាគួរឆ្លៀតពេលមកលេងកីឡាមិនថាបាល់ទាត់ឬកីឡាផ្សេងៗទេ លេងដោយមិត្តភាពមិនបង្កហិង្សា មានការអធ្យាស្រ័យគ្នា ជៀសឆ្ងាយពីគ្រឿងស្រវឹងនិងគ្រឿងញៀន ហើយការលេងកីឡានេះសោត ក៏អាចឲ្យយើងជៀសផុតពីអំពើអបាយមុខផ្សេងៗ។
កីឡាអាចអោយយើងស្គាល់គ្នាតាមរយៈការលេងមិត្តភាព(បាល់ទាត់) ដូច្នេះខ្ញុំសង្ឃឹមថាឪពុកម្តាយគ្រប់រូបនឹងមិនជំទាស់កូនៗដែលចូលចិត្តលេងកីឡានោះទេ ជារួមយើងម្នាក់ៗគួរត្រូវចេះលេងកីឡាមួយប្រភេទក្នុងចំណោមកីឡាទាំងអស់ដែលកម្ពុជាមានសព្វថ្ងៃ។
តំណាងក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
សូមគោរពថ្លែងអំណរគុណយ៉ាងជ្រាលជ្រៅចំពោះ ក្រុមការងារ CTS SPORT និងក្រុមហ៊ុន 2MBET ដែលបានឧបត្ថម្ភខោអាវកីឡាដល់ក្រុមយុវជនជនជាតិដើមកួយ(ដេះពឺតគគីរ) យើងសូមជូនពរឲ្យបងៗទទួលបានការគាំទ្រកាន់តែច្រើនពីបងប្អូនទូទាំងប្រទេស ហើយជួបប្រទះតែពុទ្ធពរទាំងបួនប្រការគឺ អាយុ វណ្ណៈ សុខៈ ពលៈកុំបីឃ្លៀងឃ្លាតឡើយ [ចូលរួមគាំទ្រវិស័យកីឡាទាំងអស់គ្នា ដើម្បីលើកស្ទួយវិស័យកីឡាជាតិយើង]៕