ក្រុមប្រេស៊ីលបានយកឈ្នះលើក្រុមអាហ្សង់ទីន ក្នុងលទ្ធផល ១-០ នាពានរង្វាន់មិត្តភាពអន្តរជាតិកាលពីយប់មិញនេះ។
១គ្រាប់របស់ Miranda ធ្វើបាននៅនាទី៩០+២ ក្រោយពីទទួលបានបាល់យ៉ាងស្អាត ពីការលើកចេញពីជ្រុងរបស់ Neymar ។ ១គ្រាប់នេះសមល្មមសម្រាប់ក្រុមឡាទីនមួយនេះ ដើម្បីយកពានរង្វាន់មិត្តភាពមួយនេះ។ ស្របពេលអាហ្សង់ទីនវិញ នៅតែមិនអាចលើកពានបានដដែល បើទោះជាពួកគេកំពុងធ្វើបានយ៉ាងល្អប៉ុន្មានប្រកួតចុងក្រោយក៏ដោយ។
ក្រោយចប់ការប្រកួតទៅ Neymar បានរំលឹកដល់ការអវត្តមានរបស់ Lionel Messi ឱ្យជម្រើសជាតិអាហ្សង់ទីនដែរថា វាជារឿងមិនល្អមួយសម្រាប់បាល់ទាត់។ អ្នកគាំទ្រជាច្រើន តែងតែចង់ឃើញ Messi លេង ហើយប្រេស៊ីលក៏ដូចគ្នា សប្បាយចិត្តចំពោះការប្រកួតប្រជែងជាមួយក្រុមខ្លាំង និងមានកីឡាករល្អជានិច្ច៕ប្រភព៖ dailymail