អាល្លឺម៉ង់​ចាញ់​ទៀត​ហើយ! ​លើក​នេះ​ចាញ់​ម្ចាស់​ពាន World Cup ២-១

ក្រុម​បាល់ទាត់​ជម្រើស​ជាតិ​អាល្លឺម៉ង់​បាន​បរាជ័យ​ទៀត​ហើយ ​ក្រោម​ថ្វី​ជើង​របស់​ក្រុម​បារាំង ​ក្នុង​លទ្ធផល ២-១ ​ពាន​រង្វាន់ UEFA Nation League ។

​ក្រុម​ភ្ញៀវ​អាល្លឺម៉ង់​ជា​អ្នក​នាំ​មុខ​ម្ចាស់​ផ្ទះ​បារាំង​មុន ​ដោយ​បាល់​ប៉េណាល់ទី ទាត់​ដោយ Toni Kroos ​នៅ​នាទី​១៤ ​ដើម​តង់​ទី​១។ យ៉ាងណាមិញ ​ក្រោយ​ពី​ភ្ញៀវ​នាំ​មុខ​ហើយ បារាំង​ព្យាយាម​វាយ​សម្រុក​ដែរ ប៉ុន្តែ​មិន​អា​ច​រក​គ្រាប់​បាល់​បាន​ឡើយ។ ឈាន​ជើង​ចូល​ដល់​តង់​ទី​២​វិញ ​ក្រុម​ម្ចាស់​ពាន​រង្វាន់ World Cup 2018 ​អាច​រក​បាន​គ្រាប់​បាល់​ស្មើ​និង​ឈ្នះ​វិញ ​ភ្លាម​ដោយ​១​គ្រាប់​ទី​១ ​ធ្វើ​បាន​នៅ​នាទី​៦២ ​ដោយ Griezmann ​និង​១​ទៀត​ក៏​ធ្វើ​បាន​ដោយ​ខ្សែ​ប្រយុទ្ធ AT Madrid ​នេះ ​ដោយ​បាល់​ប៉េណាល់ទី។

ចាញ់​១​ប្រកួត​យប់មិញ​នេះ​ទៀត ​បាន​ធ្វើ ឱ្យ​លោក Joachim Low ​ប្រឈម​នឹង​ការ​បណ្ដេញ​ចេញ​ហើយ ​ព្រោះ​ថា​តាំង​ពី World Cup ​មក ​លោក​មិន​អាច​នាំ​អាល្លឺម៉ង់​ឡើង​ទៅ​ចំណុច​កំពូល​វិញ​បាន​ឡើយ៕ប្រភព៖ dailymail

ភ្ជាប់ទំនាក់ទំនងជាមួយ CTS SPORT