ក្លឹបអ្នកមានបុណ្យ Barcelona បានសម្រេចនូវការពង្រឹងបន្ថែមតំបន់ការពារ និងបម្រើ ហើយត្រៀមប្រកាសវត្តមានកីឡាករចំណូលថ្មី នៅពេលដ៏ខ្លីខាងមុខ។ នេះបើតាមការរៀបរាប់លម្អិតពីប្រធានក្លឹប លោក Joan Laporta។
នោះគឺវត្តមានខ្សែការពារ Andreas Christensen ដែលបានចាកចេញពីក្លឹប Chelsea នៅលក្ខខណ្ឌឥតតម្លៃខ្លួន ដូចគ្នាទៅនឹង Franck Kessie ខ្សែបម្រើរបស់ក្លឹប AC Milan។ តាមថានៅសល់ គោលដៅធំ ២ រូប កំពុងស្ថិតក្នុងដំណើរការ មាន Raphinha និង Robert Lewandowski។
តាមការបញ្ជាក់របស់ប្រធានក្លឹបប្រាប់ទៅ Cadena COPE៖ “ក្លឹបយើងនឹងប្រកាសវត្តមាន Kessie នៅថ្ងៃពុធ ហើយ Christensen នៅថ្ងៃព្រហស្បតិ៍សប្តាហ៍នេះ”។ វត្តមានអ្នកទាំងពីរ ពិតជាមានការជឿជាក់ថា ក្រុមដឹកនាំដោយលោក Xavi Hernandez នឹងកាន់តែធ្វើបានល្អជាងរដូវកាលចាស់។ ជុំវិញរឿងរ៉ាវ Frenkie de Jong លោកនៅតែរាប់ឈ្មោះកីឡាករហូឡង់ ដាក់ទៅក្នុងផែនការណ៍រដូវកាលបន្ទាប់ដដែល៕
ប្រភព៖ Cadena COPE