លោក Joan Laporta ប្រធានក្លឹប FC Barcelona បាននិយាយថាលោកមិនមានបំណងក្នុងការលក់ខ្សែបម្រើ Frankie de Jong នោះទេ បើទោះជាមានការចាប់អារម្មណ៍ខ្លាំងពី Manchester United ក៏ដោយ។
De Jong
លោក Erik ten Hag បានដាក់គោលដៅយក De Jong មករួមក្រុមនារដូវកាលនេះ ប៉ុន្តែតម្លៃខ្លួនរបស់គេខ្ពស់ពេក ទើបការចរចាមិនទាន់សម្រេចនៅឡើយទេ។ តែយ៉ាងណា ក្រុម Man Utd នៅតែមានទំនុកចិត្តថាពួកគេនឹងចរចាបានសម្រេចដដែល ព្រោះក្រុម Barcelona ក៏មានបំណងលក់កីឡាករខ្លះដើម្បីយកប្រាក់ទិញកីឡាករថ្មីមកបន្ថែមដែរ។
Erik ten Hag
តែបើតាមសម្ដីរបស់លោក Laporta វិញ បែរជាអះអាងថាក្លឹបមិនមានបំណងលក់កីឡាករហុល្លង់នេះទេ។ ដោយឡែកសាមីខ្លួនក៏ចង់បន្ដលេងនៅ Camp Nou ទៀតដែរ ដូច្នេះមិនមានហេតុផលអ្វីដើម្បីលក់គេចេញឡើយ។ De Jong អាចចាត់ទុកជាខ្សែបម្រើល្អបំផុតម្នាក់នៅពេលបច្ចុប្បន្ននេះ៕ប្រភព៖ DailyMail
