ក្រុមបិសាចក្រហម Manchester United បានបញ្ជាក់ថាពួកគេនឹងមិនព្រមលក់ខ្សែការពារ Harry Maguire ឱ្យទៅក្រុម FC Barcelona នោះទេ។
United កំពុងចរចាយក De Jong ពីក្រុម Barcelona ហើយក្នុងការនិយាយគ្នានេះដែរ ក្រុម Barcelona ក៏មានលក្ខខណ្ឌចង់បានខ្សែការពារ Maguire ដើម្បីមកលេងនៅ Camp Nou ផងដែរ។ តែបើតាមប្រភពនៅអង់គ្លេស បានបញ្ជាក់ថាពួកគេនឹងមិនយល់ព្រមចំពោះសំណើរដោះដូរនេះទេ ព្រោះក្រុមរបស់លោក Erik ten Hag ចង់រក្សាប្រធានក្រុមរូបនេះឱ្យចូលលេងនៅរដូវកាលថ្មីខាងមុខ។
ការចង់បន្ដឱ្យកីឡាករអង់គ្លេសនៅ Old Trafford ទៀតនេះ ក៏ព្រោះតែក្រុម Man Utd មានកីឡាករចេញច្រើននាក់ទៅហើយនារដូវកាលនេះ ដូចជា Matic , Pogba , Mata និង Lingard ជាដើម។ ដោយឡែករឿងមួយទៀតនោះ គឺពួកគេពិបាកក្នុងការស្វែងរកកីឡាករមកលេងនារដូវកាលនេះណាស់៕ ប្រភព៖ dailymail