ដើម្បីបញ្ចៀសការចំណាយ លើសចំណូល ឬល្មើសច្បាប់ហិរញ្ញវត្ថុ FFP ក្លឹប Barcelona គឺត្រូវតែបន្តលក់ចេញកីឡាករ ឬចាំបាច់ត្រូវផ្តាច់កុងត្រារបស់ពួកគេ បើទោះបីកីឡាករមិនចង់ចាកចេញពី Camp Nou ក៏ដោយ។
តាមសារព័ត៌មាន Sport ចុះផ្សាយថា ក្លឹបអ្នកមានបុណ្យ កំពុងរិះរកមធ្យោបាយដកចេញកីឡាករជាច្រើន ហើយក្នុងចំណោមនោះ ក៏មាន Samuel Umtiti និង Neto ផងដែរ។ សម្រាប់ខ្សែការពារបារាំង ជាការពិត មិនត្រូវបានរាប់បញ្ចូលក្នុងផែនការណ៍ដឹកនាំរបស់លោក Xavi Hernandez នោះទេ ដូចគ្នានឹង Neto ពេលចុងក្រោយ ចាញ់ប្រៀបដៃទីពីរ Inaki Pena ដូច្នេះការចាកចេញគឺជារឿងចាំបាច់ ដែលក្លឹបត្រូវតែធ្វើ។
ប្រសិនការចរចាផ្តល់ទៅក្លឹបថ្មី មិនអាចសម្រេចទៅបាន នោះផ្លូវចុងក្រោយ ក្លឹបមានតែការផ្តាច់កុងត្រាប៉ុណ្ណោះឯង។ Neto លឺថា Lazio ចង់បាន តែភាគីក្លឹបអ៊ីតាលីអត់ចង់ចំណាយលុយទេ ពោលលុះត្រា Barca ព្រលែងនៅលក្ខខណ្ឌឥតតម្លៃខ្លួន ទើបពួកគេព្រមទទួលយក។ ស្របពេលដែល Umtiti គេចង់បន្តកុងត្រាថ្មី ទោះបានតម្លៃពលកម្មទាប តែខាងសំណាក់ក្លឹបហាក់មិនយល់ស្រប៕
ប្រភព៖ Sport