តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ Never Win Futsal Team។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
Never Win Futsal Team ជាក្រុមដែលបង្កើតឡើងបាន ៦ ឆ្នាំហើយ រួចមានសមាជិកសរុបចំនួន ១០ នាក់ ដោយក្រុមមានមូលដ្ឋានស្ថិតក្នុងខេត្តព្រះសីហនុ មានតំណាងក្រុម គឺលោក ខន មករា តារាស័ក្ក បានលើកឡើងយ៉ាងដូច្នោះថា៖
ខ្ញុំមានសារផ្ញើដល់យុវជនជំនាន់ក្រោយ ប្រសិនជាស្រឡាញ់ ឬក៏ចូលចិត្តវិស័យបាល់ទាត់ សូមកុំបោះបង់ក្ដីស្រមៃរបស់ខ្លួន ពោលត្រូវតែព្យាយាម ឲ្យអស់ពីសមត្ថភាព ដើម្បីសម្រេចក្ដីស្រមៃនោះ ថ្ងៃណាមួយក្ដីស្រមៃរបស់អ្នក និងក្លាយជាការពិតក្នុងពេលឆាប់ៗមិនខាន។
រួចបំណងប្រាថ្នាថ្ងៃអនាគត របស់ក្រុមបាល់ទាត់ខ្ញុំ គឺចង់ប្រមូលក្មេងៗ ដែលស្រឡាញ់វិស័យកីឡាបាល់ទាត់ ឲ្យបានមកចូលរួមជាមួយក្រុម ដើម្បីឲ្យពួកគេអាចមានឱកាសអភិវឌ្ឍខ្លួន ក៏ដូចជាជៀសឆ្ងាយពីគ្រឿងញៀនជាអំពើដែលសង្គមស្អប់ខ្ពើម។
តំណាងក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
ក្នុងនាម ខ្ញុំជាប្រធានក្រុម ហើយតំណាងសមាជិកនៃក្រុមទាំងមូល ពិតជាសូមថ្លែងអំណរគុណដល់ 2MBET ដែលបានឧបត្ថម្ភ ដល់ក្រុមបាល់ទាត់របស់ខ្ញុំ ហើយពិតជាគាំទ្រពេញទំហឹងនូវសកម្មភាពមួយនេះ ឲ្យបន្តធ្វើការឧបត្ថម្ភជាពិសេសដល់ក្រុមបាល់ទាត់ខ្វះខាតតាមស្រុកភូមិ រួចក៏សូមជូនពរដល់ 2MBET ឲ្យកាន់តែរីកចម្រើន នូវគ្រប់ភារកិច្ចទាំងអស់៕