តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ Black Star FT។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
Black Star FT ជាក្រុមដែលបង្កើតឡើងបាន ៤ ឆ្នាំហើយ រួចមានសមាជិកសរុបចំនួន ៣២ នាក់ ដោយក្រុមមានមូលដ្ឋានស្ថិតក្នងខេត្តកំពង់ស្ពឺ មានតំណាងក្រុម គឺយុវជន ទូច ម៉េងលាង បានលើកឡើងយ៉ាងដូច្នោះថា៖
“ក្រុមយើងខ្ញុំ សូមផ្ញើសារដល់យុវជនទាំងអស់ ឲ្យនាំគ្នាចូលរួមលើកស្ទួយនៅវិស័យបាល់ទាត់ក្នុងប្រទេសកម្ពុជា និងចូលរួមលេងកីឡាទាំងអស់គ្នាដើម្បីសុខភាព ប្រសើរជាជាងយកពេលវេលាដែលយើងទំនេរពីការសិក្សាឬការងារ ទៅប្រព្រឹត្តិនូវអំពើដែលសង្គមស្អប់ខ្ពើម”។
តំណាងក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
“នាមខ្ញុំជាប្រធានក្រុមសូមជំនួសមុខឲ្យកីឡាករ Black Star FT ទាំងអស់ សូមថ្លែងអំណរអរគុណយ៉ាងធំធេងដល់ ក្រុមហ៊ុន 2MBET ដែលបានផ្ដល់ឯកសណ្ឋានជូនក្រុមយើងខ្ញុំ ហើយសូមជូនពរឲក្រុមហ៊ុននិងក្រុមការងារទាំងអស់មានសុខភាពល្អនិងសម្រេចរាល់គ្រប់ភារកិច្ច”៕