តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ VG FT។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
VG FT ជាក្រុមដែលបង្កើតឡើងរយៈពេលជាង ៦ ឆ្នាំមកហើយ រួចមានសមាជិកសរុបចំនួន ២៣ នាក់ ដោយក្រុមមានមូលដ្ឋានស្ថិតក្នងទីក្រុងភ្នំពេញ មានតំណាងក្រុម គឺយុវជន ស៊ុន ស័ក្តិសីហា បានលើកឡើងយ៉ាងដូច្នោះថា៖
“គោលបំណងនៃការបង្កើតក្រុមនេះឡើងគឺពួកយើងមានគោលដៅរួមគ្នាតែមួយ គឺចង់ឲ្យយុវជនទាំងអស់ងាកមកលេងកីឡា ដើម្បីទទួលបានសុខភាពល្អ បង្កើនចំណងមិត្តភាព សាមគ្គីភាព ហើយគោលដៅធំរបស់ក្រុមពួកយើងគឺ ចង់អភិវឌ្ឍខ្លួនចូលរួមប្រកួតក្នុងពានរង្វាន់ណាមួយនាថ្ងៃខាងមុខ ទន្ទឹមនេះ ខ្ញុំបាទតំណាងឲ្យក្រុម VG FT សូមសំណូមពរឲ្យយុវជនទាំងអស់គ្នា ឆ្លៀតពេលទំនេរពីការសិក្សា ក៏ដូចជាការងារ មកចូលរួមលេងកីឡាដើម្បីជៀសឆ្ងាយពីអំពើអបាយមុខផ្សេងៗ ហើយកីឡានេះទៀតសោតក៏នាំមកនូវ សុខភាព វិន័យ និងសេចក្តីថ្លៃថ្នូរ”។
តំណាងក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
“ជាចុងក្រោយខ្ញុំសូមថ្លែងអំណរគុណយ៉ាងជ្រាលជ្រៅដល់ក្រុមហ៊ុន 2MBET ដែលបានឧបត្ថម្ភឯកសណ្ឋានកីឡាយ៉ាងស្រស់ស្អាត ដល់ក្រុមយើងខ្ញុំ និងសូមជូនពរឲ្យក្រុមហ៊ុន ទទួលបានការគាំទ្រពីសំណាក់អតិថិជនកាន់តែច្រើនឡើងបន្ថែមទៀត”៕