Eden Hazard កំពុងក្លាយជាកីឡាករសំខាន់បំផុតក្នុងក្រុម Chelsea នារដូវកាលនេះ ក៏ដូចជារដូវកាលមុនៗផងដែរ។ ខ្សែបម្រើរូបនេះ កំពុងឈានដល់ចំណុចកំពូលមួយរបស់ខ្លួន ក្រោមការដឹកនាំរបស់អ្នកចាត់ការថ្មី។លោក Maurizio Sarri អ្នកចាត់ការក្រុម Chelsea កំពុងមានក្ដីបារម្ភចំពោះការលេងបានយ៉ាងល្អនេះ។ ត្បិតអីមានក្លឹបជាច្រើនកំពុងចង់បានរូបគេ ស្របពេលសាមីខ្លួនចង់ចាកចេញទៅលេងនៅ Real Madrid ថែមទៀតនោះ។
អ្នកចាត់ការរូបនេះ បញ្ជាក់ថាកីឡាករបែលហ្សិក នៅមានសមត្ថភាពលើសបច្ចុប្បន្ននេះទៀតនៅពេលខាងមុខ។ វានឹងធ្វើឱ្យរូបគេ ក្លាយជាកីឡាករកំពូលម្នាក់នៅលើលោក។
ជាមួយនឹងការនិយាយដូច្នេះ លោកក៏ចង់ឃើញកីឡាកររូបនេះបន្ដជួយក្រុម Chelsea ទៀតដែរ។ ដោយរំពឹងថានឹងមានការបន្ដកុងត្រាឆាប់ៗនេះ លើកុងត្រាបច្ចុប្បន្នដែលនឹងអស់ត្រឹមឆ្នាំ២០២០ខាងមុខនេះហើយ៕ប្រភព៖ DailyMail