តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ ខ្ទីងភ្លើង។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
ខ្ទីងភ្លើង ជាក្រុមដែលបង្កើតឡើងបានជាងមួយឆ្នាំហើយ ដោយមានសមាជិកសរុបចំនួនជាង ២០ នាក់។ ក្រុមមានមូលដ្ឋានស្ថិតក្នងទីក្រុងភ្នំពេញ គ្រប់គ្រងដោយប្រធាន លោក អឿង ខៃស៊ីង បានលើកឡើងយ៉ាងដូច្នោះថា៖
“ខ្ញុំចង់ឃើញបងប្អូនងាកមកចូលរួមលេងកីឡា ហើយមិនថាតែការប្រកួតមិត្តភាពពានតូចតាចក្តី ក៏ចង់ឃើញបងប្អូនយើងមានការយោគយល់ និងអធ្យាស្រ័យគ្នាខ្ពស់ ព្រោះថា ការជួបគ្នានៅលើទីលាន មិនមែនមានន័យថា យើងនឹងមិនរាប់អានគ្នានៅក្រៅទីលាននោះទេ ដូច្នេះហើយបាល់ទាត់ក៏អាចចូលរួមបង្កើតមិត្តភាពថ្មីផងដែរ ក្រៅតែពីការលេងសប្បាយៗ និងការជួយឲ្យមានសុខភាពល្អ”។
ប្រធានក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
“ខ្ញុំអរគុណដល់ក្រុមហ៊ុន 2MBET ដែលបាន Sponsor អាវដ៏ស្រស់ស្អាតដល់ក្រុមខ្ញុំ ជួនពេលដែលពួកយើងក៏កំពុងមានការខ្វះខាត ចុងក្រោយជូនពរឲ្យក្រុមហ៊ុនកាន់តែមានការរីកចម្រើនដើម្បីបន្ថែមលទ្ធភាពក្នុងការផ្តល់ជូនឈុត ទៅកាន់ក្រុមជាច្រើនផ្សេងទៀតនៅទូទទាំងប្រទេស”៕