ស្ថាប័នល្បីល្បាញ WWE បានទាក់ទងទៅអ្នកលេងក្នុងទ្រុង Khabib Nurmagomedov ឱ្យចួលរួមជាមួយពួកគេ ប្រសិនបើកីឡាកររុស្ស៊ីរូបនេះសម្រេចចេញពី UFC ។
Khabib បានបង្ហោះនៅលើបណ្ដាញសង្គមរបស់ខ្លួនថាខាង WWE បានមកសួរនាំគេ ដើម្បីឱ្យចូលទៅវាយក្នុងសង្វៀនកីឡាកាសវិញ។ ដោយក្នុងនោះ រូបគេក៏បង្ហាញចំណាប់អារម្មណ៍ ចង់ចូលរួម ហើយហៅ Brock Lesnar មកប្រកួតគ្នាផងដែរ។ យ៉ាងណាមិញ គេមិនទាន់ប្រាកដថាវាជារឿងពិតឬយ៉ាងណាឡើយ ដោយត្រូវរង់ចាំការសម្រេចចិត្តរបស់ខាង UFC នៅថ្ងៃទី២៤ខាងមុខនេះសិន ថាពិន័យក្រុមការងាររបស់ខ្លួនប៉ុន្មាន។
សូមបញ្ជាក់ថា Khabib បានយកឈ្នះ Conor ត្រឹមទឹក៤ នៃការប្រកួត UFC 229 ។ ក្នុងនោះ ក្រោយចប់ការប្រកួត ក៏មានការវាយតប់គ្នាផងដែរ ទើបបណ្ដាលខាង UFC ពិចារណាក្នុងការពិន័យកីឡាករទាំងសងខាង ចំពោះរឿងមិនគួរឱ្យកើតមានមួយនេះ។ Khabib រង់ចាំមើលការពិន័យរបស់ UFC ហើយប្រសិនបើរូបគេគិតថាមិនសមរម្យនោះ នឹងសម្រេចចិត្តឈប់វាយនៅសង្វៀននេះតែម្ដង៕ប្រភព៖ dailymail
