តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ Big Boss FT។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
Big Boss FT ជាក្រុមដែលបង្កើតឡើងតាំងតែពីឆ្នាំ ២០១៥ ពោលមានអាយុកាល ៧ ឆ្នាំហើយ ដោយគ្រាផ្តួចផ្តើមដំបូង មានសមាជិកតែ ១០ នាក់ប៉ុណ្ណោះ លុះមកទល់បច្ចុប្បន្នមានដល់ទៅ ៤០ នាក់។ ក្រុមមានមូលដ្ឋានស្ថិតក្នុងទីក្រុងភ្នំពេញ គ្រប់គ្រងដោយប្រធាន លោក លាង ប្រាថ្នា បានលើកឡើងយ៉ាងដូច្នោះថា៖
“ដោយវិស័យកីឡាក្នុងប្រទេសកម្ពុជាកំពុងតែរីកចម្រើន ជាពិសេសកីឡាករបាល់ទាត់ទទួលបាននូវប្រជាប្រិយភាពខ្លាំង ដូច្នេះសូមអោយកុមារា កុមារី ជាពិសេសយុវជនដែលស្រលាញ់កីឡាបាល់ទាត់ គួរចូលរួមប្រឹងប្រែងហ្វឹកហាត់ដើម្បីជាធនធានសម្រាប់ប្រទេសកម្ពុជាយើងទៅថ្ងៃអនាគត”។
“Big Boss FT ជាក្រុមបាល់ទាត់លេងដើម្បីសុខភាព តែក៏ប្រមូលផ្តុំកីឡាករចាស់ៗដែលមានប្រវត្តិធ្លាប់លេងនៅកម្រិតអាជីព បូកផ្សំជាមួយយុវជនមួយចំនួន ហើយមកទល់ពេលនេះថ្នាក់ដឹកនាំក្រុមកំពុងតែដាក់គោលដៅប្រមែលប្រមូលយុវជនមានសមត្ថភាពបន្ថែមទៀតដើម្បីអភិវឌ្ឍន៍ក្រុមទៅជាក្រុមពាក់កណ្តាលអាជីពនាពេលខាងមុខ”។
ប្រធានក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
“ក្រុមបាល់ទាត់ Big Boss សូមថ្លែងអំណរគុណយ៉ាងខ្លាំងដល់ក្រុមហ៊ុន 2MBET ដែលបានឧបត្ថមឈុតថ្មីសំរាប់ក្រុម យើងខ្ញុំសូមជូនពរឲ្យក្រុមហ៊ុនមានអតិថិជនកាន់តែច្រេីន និងកាន់តែរីកចំរេីនបន្តទៅមុខជារៀងរហូត”៕