សហព័ន្ធកីឡាបាល់ទាត់អន្តរជាតិ FIFA បានពិន័យក្រុមបាល់ទាត់រុស្ស៊ី ២២ ០០០ផោន បន្ទាប់ពីរកឃើញថាក្រុមអ្នកគាំទ្ររុស្ស៊ីបង្ហាញកាយវិការរើសអើងពូជសាសន៍ក្នុងការប្រកួតមិត្តភាពជាមួយក្រុមបារាំង។
ក្នុងការប្រកួតនោះ បារាំងបានយកឈ្នះលើក្រុមរុស្ស៊ី ៣-០ នៅកីឡដ្ឋាន Krestovsky Stadium ។ ក្រោយពីចប់ការប្រកួត Paul Pogba, Ousmane Dembele និង N’Golo Kante បាននិយាយថាពួកគេត្រូវបានអ្នកគាំទ្ររុស្ស៊ី ប្រើពាក្យសម្ដីមិនសមរម្យដាក់។ ក្រោយពីនោះមក FIFA បានធ្វើការសើបអង្កេតចំពោះរឿងនេះ ហើយក៏រកឃើញថាវាពិតជាបានកើតឡើងមែន។ ក្រោយមក FIFA បានសម្រេចពិន័យចំពោះក្រុមរុស្ស៊ីជាទឹកប្រាក់ ២២ ០០០ផោន។
ក្រោយពីការពិន័យនេះដែរ លោក Stanislav Cherchesov គ្រូបង្វឹកក្រុមជម្រើសជាតិរុស្ស៊ីបាននិយាយដែរថា អ្នកគាំទ្រសូមកុំធ្វើរឿងមិនល្អដូច្នេះ។ សូមកុំប្រើពាក្យសម្ដីរើសអើងពូជសាសន៍ ។ អ្នកទាំងអស់គ្នាត្រូវរួបរួមគ្នា ដើម្បីលេងនៅព្រឹត្តិការណ៍ World Cup 2018 ក្នុងនាមខ្លួនជាម្ចាស់ផ្ទះ៕
ប្រភព៖ BBC
