តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ Cobras។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
Cobras ជាក្រុមដែលទើបតែបង្កើតឡើងបានជិត ៩ ខែមកហើយ ដោយមានសមាជិកសរុបចំនួន ២៥ នាក់។ ក្រុមមានមូលដ្ឋានស្ថិតក្នុងទីក្រុងភ្នំពេញមួយនេះ ហាក់សកម្មខ្លាំងចំពោះការប្រកួត ដោយជាមធ្យមប្រមូលផ្តុំគ្នាលេង ២-៣ លើក/សប្តាហ៍។ គ្រប់គ្រងដោយប្រធានក្រុម យុវជន ចាន់ វជីរៈ បានលើកឡើងយ៉ាងដូច្នោះថា៖
“ការលេងបាល់ទាត់គឺនាំមកនូវសុខភាពល្អ សាមគ្គីភាព និងអាចឲ្យយើងជៀសឆ្ងាយពីការប្រព្រឹត្តិអំពើដែលសង្គមស្អប់ខ្ពើម ក៏ដូចជាជៀសឆ្ងាយពីការប្រើប្រាស់គ្រឿងញៀន ហើយការលេងកីឡានេះសោត ក៏វាជាចំណែកមួយ ជួយឲ្យមានការរីកចម្រើនលើវិស័យបាល់ទាត់ក្នុងស្រុកទាំងមូល រីឯឆន្ទៈទៅថ្ងៃអនាគត ពួកយើងចង់ប្រមូលផ្តុំយុវជនឲ្យមកហ្វឹកហាត់រួមគ្នា និងព្យាយាមវិវត្តខ្លួន ទៅជាកីឡាករអាជីព ដើម្បីឈោងបានឱកាសទៅចូលរួមនៅការប្រកួតក្របខ័ណ្ឌអាជីពណាមួយ”។
ប្រធានក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
“ជាចុងក្រោយក៏សូមអរគុណដល់ក្រុមហ៊ុន 2MBet និងក្រុមការងារទាំងអស់ ដែលបានឧបត្ថម្ភឈុតកីឡាយ៉ាងស្រស់ស្អាតមកដល់ក្រុមយើងខ្ញុំ សូមជូនពរឲ្យក្រុមហ៊ុនមានការគាំទ្រកាន់តែច្រើនឡើងបន្ថែមទៅថ្ងៃមុខ”៕