ក្រុមបាល់ទាត់ Cambodian Football All Stars ឬហៅកាត់ CFA បានកំណត់យកថ្ងៃទី ២៥ ឧសភា ឆ្នាំ ២០២២ ខាងមុខ ជាកាលបរិច្ឆេទប្រកួតមិត្តភាពឆ្លងខេត្តលើកទី ២។ សារនេះ ជាការទៅជួបម្ចាស់ផ្ទះ PHUM 5 FC នៅឯកីឡដ្ឋានខេត្តព្រៃវែង នាវេលាម៉ោង ០៣:០០ នាទីរសៀល ថ្ងៃពុធ។
ក្រុម CFA
សូមបញ្ជាក់ថា ខេត្តព្រៃវែង ជាខេត្តទី ២ ហើយបន្ទាប់ពីខេត្តកំពត ដែលក្រុម CFA ធ្លាប់បានធ្វើដំណើរទៅ ហើយតាមគោលដៅដូចបានកំណត់របស់ក្រុម គឺចង់មានការប្រកួតមិត្តភាពបែបនេះ នៅទូទាំង ២៥ ខេត្ត/ក្រុង ក្នុងប្រទេសកម្ពុជា។
ក្រុម PHUM 5 FC
កម្មវិធីភ្ជាប់ពាក្យលោក អៃ សំអូន
រំឭកឲ្យដឹង នៅថ្ងៃ ២៥ ឧសភា ខាងមុខនេះដែរ ក្រៅតែពីជាការប្រកួតមិត្តភាព របស់ CFA ទល់ PHUM 5 FC ទៀតសោតក៏ជាថ្ងៃពិសេសរបស់ប្រធានក្រុម លោក អៃ សំអូន ពោលជាថ្ងៃកម្មវិធីអាពាហ៍ពិពាហ៍ ដែលសមាជិកទាំងអស់ក៏នឹងឆ្លៀតពេលទៅចូលរួមក្រោយចប់ការប្រកួត។ ពី CTS Sports ក៏សូមចូលរួមអបអរសាទរ ហើយជូនពរឲ្យគូស្វាមីភរិយាថ្មី ស្រលាញ់គ្នាដល់ចាស់សក់ស្កូវ និងរស់នៅជាមួយគ្នាប្រកបដោយសេចក្ដីសុខសុភមង្គល៕