តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ Dynamic FT។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
Dynamic FT ជាក្រុមដែលទើបតែបង្កើតឡើងបានជាងមួយឆ្នាំ ហើយមានសមាជិកសរុបចំនួន ២០ នាក់។ ក្រុមមានមូលដ្ឋានស្ថិតក្នុងទីក្រុងភ្នំពេញ គ្រប់គ្រងដោយប្រធានក្រុម យុវជន ស្វាយ ពុទ្ធារ័ត្ន បានលើកឡើងយ៉ាងដូច្នោះថា៖
“ខ្ញុំចង់ផ្ញើសារទៅយុវជនខ្មែរទាំងអស់ឲ្យ លៃលកឆ្លៀតពេលទំនេរពីការសិក្សា ដើម្បីងាកមកលេងកីឡាទាំងអស់គ្នាដោយហេតុថាកីឡា គឺជាមធ្យោបាយមួយដែលយើងអាចរាប់អានមិត្តថ្មីៗ ព្រមទាំងជួយឲ្យយើងមានសុខភាពល្អផងដែរ ហើយការលេងកីឡាក៏អាចជួយអោយយើងកាត់បន្ថយស្រ្ដេស ពីការសិក្សានិងការងារបានមួយចំណែក លើសពីនេះទៅទៀត ខ្ញុំចង់ឲ្យយុវជនខ្មែរយើងលេងកីឡាប្រកបដោយការទទួលខុសត្រូវ ចេះយោគយល់អធ្យាស្រ័យគ្នាទៅវិញទៅមក មិនប្រើអំពើហិង្សា ចេះគ្រប់គ្រងអារម្មណ៍ ព្រោះបើយើងមិនចេះគ្រប់គ្រងអារម្មណ៍នោះទេ វាអាចនឹងធ្វើឲ្យយើងមានវិប្បដិសារីនៅថ្ងៃអនាគត”។
“ចំពោះក្រុម Dynamic FT ពួកយើងមានឆន្ទៈចង់ចូលរួមប្រកួតលក្ខណៈថ្នាក់ជាតិ ឬមានការទទួលស្គាល់ពីស្ថាប័នណាមួយ និងចង់ចូលរួមលើកស្ទួយវិស័យកីឡានៅប្រទេសកម្ពុជាយើងឲ្យមានការរីកចម្រើនដូចទៅនឹងប្រទេសជិតខាងយើងផងដែរ”។
ប្រធានក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
“ជាចុងក្រោយ ពួកយើងទាំងអស់គ្នា សូមថ្លែងអំណរគុណទៅម្ចាស់ឧបត្ថម្ភ ក្រុមហ៊ុន 2MBET ដែលបានឧបត្ថម្ភអាវកីឡាដល់ក្រុមយើងខ្ញុំ ហើយក៏សូមអរគុណទៅដល់ក្រុមការងារ CTS Sport ផងដែរ សូមជូនពរ ក្រុមការងារ 2MBET និង CTS Sport មានសុខភាពល្អ និងជោគជ័យគ្រប់ភារៈកិច្ចទាំងអស់”៕