បញ្ចប់រដូវកាល Premier League យប់មិញ យើងក៏សម្រេចរកឃើញហើយអំពីក្លឹបដែលត្រូវធ្លាក់ចេញទៅកាន់លីគលំដាប់ទីពីរ មាន Watford, Norwich City និង Burnley។ ប្រិយមិត្តក៏កើតមានចម្ងល់ ដោយសួរបកមកកាន់ពួកយើង ថាតើក្លឹប ៣ ណាទៅ នឹងមកបំពេញកន្លែងក្លឹបដែលបានធ្លាក់?
វាជាច្បាប់នៅ Premier League ដែលរៀងរាល់រដូវកាល មានក្លឹបត្រូវធ្លាក់ និងក្លឹបត្រូវឡើង។ ក្លឹបត្រូវឡើង យើងទើបតែរកបាន ២ ប៉ុណ្ណោះ គឺ Fulham ដែលខកខាន ១ ឆ្នាំ ហើយ Bournemouth ខកខាន ២ ឆ្នាំ នៅការលេងលីគកំពូល។
ក្លឹបទី ៣ ដែលនឹងត្រូវកំណត់យក គឺរវាង Huddersfield Town និង Nottingham Forest ដែលពួកគេត្រូវតតាំងមួយជើង នៅថ្ងៃទី ២៩ ឧសភា ជាការប្រកួតយកកៅអី Premier League។ ចំពោះរដូវកាល ២០២២/២៣ នឹងចាប់ផ្តើមពីថ្ងៃទី ៦ សីហា មុនបញ្ចប់នាថ្ងៃទី ២៨ ឧសភា ឆ្នាំបន្ទាប់៕
ប្រភព៖ Wikipedia