ក្លឹប Real Madrid នឹងត្រូវប្រកួតទល់ ក្លឹប Liverpool នាវេលាម៉ោង ០២:០០ នាទីរំលងអាធ្រាត្រ ឈានចូលថ្ងៃទី ២៩ ឧសភា មានផ្សាយផ្ទាល់លើទំព័រ CTS Sports។ នេះជាប្រកួតកំណត់ថា Real នឹងក្លាយជាម្ចាស់ជើងឯកលើកទី ១៤ ឬក៏ Liverpool ក្លាយជាម្ចាស់ជើងឯកលើកទី ៦ នាប្រវត្តិសាស្រ្តពានអឺរ៉ុប។
យ៉ាងណាងាកទៅប្រកួតរបស់ក្រុមលោក Jurgen Klopp កាលពីយប់មិញ ដែលលេងទល់ Wolves ដ្បិតឈ្នះ ៣-១ តែដូចប្តូរជើង Thiago Alcantara ពោលកីឡាករអេស្ប៉ាញ បានរងរបួស ហើយប្តូរចេញជំនួសចូលដោយ James Milner។ ជុំវិញស្ថានភាពរបស់គេ មិនច្បាស់ថា នឹងអាចវិលត្រលប់មកវិញទាន់ពេលឬអត់ ដ្បិតបើការប្រកួតសល់មិនដល់មួយសប្តាហ៍ផង។
រំឭកដែរថា នេះដូចផ្តល់ក្តីសង្ឃឹមបន្ថែមឲ្យអធិរាជស ព្រោះអី Thiago ក៏ជាកម្លាំងស្នូលដ៏សំខាន់មួយ នៅតំបន់បម្រើ ជាពិសេសនៅប្រកួត UCL គឺមានវត្តមានរបស់គេសឹងគ្រប់ប្រកួតរដូវកាលនេះឲ្យហង្ស។ ក្រៅតែពី Thiago នៅតំបន់ប្រយុទ្ធ ក្លឹបក៏ទំនងនឹងអវត្តមាន Divock Origi មួយរូបផ្សេងទៀត៕
ប្រភព៖ BeSoccer