ក្លឹបមេឃខៀវ Manchester City បាន Prank អ្នកគាំទ្រមួយឈុតធំយប់មិញ ដោយដើមឡើយត្រូវបានក្លឹប Aston Villa បើកការនាំមុខមុន ២-០ គិតត្រឹមនាទី ៦៩។ លទ្ធផលនេះ បើ City តាមបានត្រឹមស្មើ នោះក៏ហង្សក្រហម Liverpool នឹងលើកពានដែរ តែមានឯណា ក្រុមលោក Pep Guardiola អាចវាយបកវិញ ដោយសម្រេចក្លាយជាម្ចាស់ពាន PL ទាល់តែបាន។
នៅនាទី ៧៦ Ilkay Gundogan បើកការរកគ្រាប់បាល់ឲ្យក្រុមម្ចាស់ផ្ទះ ហើយដល់នាទី ៧៨ Rodriក៏បន្ថែមគ្រាប់បាល់ទីពីរ រហូត ៥ នាទីបន្ទាប់កីឡាករអាល្លឺម៉ង់ បន្ថែមមួយគ្រាប់ទៀត ដល់កើតលទ្ធផល ៣-២ រួចរក្សាលទ្ធផលដល់ចប់ការប្រកួត។
និយាយក្រោយចប់ការប្រកួតនេះដែរ លោក Pep Guardiola បានលេងសើចបែបនេះថា៖ “ខ្ញុំបានតេទៅ Real Madrid សួរនាំពួកគេ ដើម្បីទទួលបានមតិយោបល់ដ៏ល្អ ទើបអាចយកឈ្នះការប្រកួតនេះ”។ បញ្ជាក់ថា អភិនិហាក៏ធ្លាប់កើតមានកន្លងទៅដែរ ដែល City បម្រុងនឹងបានកៅអីឡើងទៅវគ្គផ្តាច់ព្រ័ត្រ តែបែរត្រូវមកចាញ់ Real Madrid ដែលពីរនាទី អាចរកបាន ២ គ្រាប់ ពីសំណាក់កីឡាករ Rodrygo៕
ប្រភព៖ Marca