ការប្រកួតប្រជែងនៅក្របខ័ណ្ឌ Serie A បានបញ្ចប់រួចរាល់ហើយសម្រាប់ក្លឹប AS Roma ដោយបានសម្រេចលទ្ធផលជុំទី ៣៨ មាន ៦៣ ពិន្ទុ ពោលបានធានាកៅអីលេង Europa League សម្រាប់ពួកគេនៅរដូវកាលបន្ទាប់។ នេះក៏បានចូលរួមដ៏ធំ ពីសំណាក់កីឡាករលេងតំបន់ប្រយុទ្ធ គឺ Tammy Abraham។
ដ្បិតទើបតែផ្ទេរមកចូលរួមនៅរដូវកាលដំបូង ក៏ប៉ុន្តែកីឡាករអង់គ្លេស បានបង្កើតគុណផលគួរឲ្យចាប់អារម្មណ៍ ដោយរដូវកាលនេះ ថែមទាំងបានក្លាយជាកីឡាករអង់គ្លេស រកបានគ្រាប់បាល់ច្រើនបំផុតនៅប្រវត្តិសាស្ត្រ Serie A ទៀតផង។ កីឡាករវ័យ ២៤ ឆ្នាំ បន្ថែមពីរគ្រាប់ចុងក្រោយនៅប្រកួតទល់ Torino នាំឲ្យសរុបគ្រាប់បាល់ មាន ១៧ គ្រាប់។
នេះយកឈ្នះអ្នកគ្រោងចាស់គឺ Gerry Hitchens ធ្វើបាននៅរដូវកាល ១៩៦១/៦២ គ្រាលេងឲ្យក្លឹប Inter Milan រកបានតែ ១៦ គ្រាប់ប៉ុណ្ណោះ។ រំឭកឲ្យដឹងថា អតីតសមាជិកនៅ Chelsea បានជាប់កុងត្រាជាមួយក្លឹប Roma ដល់ចុងខែមិថុនា ឆ្នាំ ២០២៦ ហើយក៏ជឿថា នឹងនៅតែបន្តជាចំណែកសំខាន់ ក្រោមការដឹកនាំរបស់លោក Jose Mourinho នៅរដូវកាលបន្ទាប់៕
ប្រភព៖ Metro