Paulo Dybala បានប្រកាសរួចរាល់ថានឹងចាកចេញពី Juventus ចាប់ពីក្រោយបញ្ចប់រដូវកាលនេះ តែទ្រនំថ្មីជាក្លឹបណាមួយ មិនទាន់បង្ហើបប្រាប់នៅឡើយ។ យ៉ាងណាងាកមកអតីតកីឡាករជើងចាស់លោក Francisco Totti បែរជានិយាយថ្មីៗថា ខ្លួននឹងព្យាយាមបញ្ចុះបញ្ចូលឲ្យកីឡាករអាហ្សង់ទីន ធ្វើការផ្លាស់ទៅក្លឹប AS Roma។
លោក Totti បាននិយាយប្រាប់ Sky Italia បែបនេះ៖ “យើងនឹងមើលទាំងអស់គ្នា ថាតើអាចនាំគេមកទីក្រុងរ៉ូមបានឬអត់ ដោយខ្ញុំនឹងជួបគេនៅថ្ងៃចន្ទ ហើយសង្ឃឹមថាអាចបញ្ចុះបញ្ចូលគេបានចុះ រួចក៏សង្ឃឹមដូចគ្នា ថាក្លឹប Roma ចង់បានគេដូចជាខ្ញុំដែរ”។
បញ្ជាក់ថា កន្លងមកក៏មានក្លឹបនៅឯ Premier League ដូចជា Arsenal បានចាប់ចិត្តទៅលើ Dybala ដូចគ្នា។ គេជឿថា កីឡាករប្រាកដនឹងសម្រេចរកឃើញទ្រនំថ្មីមុនយុទ្ធនាការនៅ World Cup ចាប់ផ្តើមឡើងនៅឯចុងឆ្នាំ។ តែបើ Dybala ស្មោះនឹងក្លឹប Juventus គឺមានភាគរយទាបណាស់ ដែលគេនឹងជ្រើសយកការផ្លាស់ទៅក្លឹបរួមលីគ AS Roma៕
ប្រភព៖ Sky Italia