ក្លឹប PSG កំពុងទាក់ទងលោក Arsene Wenger ដើម្បីទៅចូលរួមជាមួយពួកគេ ក្នុងការគ្រប់គ្រងក្រុមនៅរដូវកាលនេះជាមួយលោក Thomas Tuchel ដែលជាអ្នកចាត់ការបច្ចុប្បន្ន។
តំណែងដែលក្លឹប PSG ចង់ហៅលោក Wenger មកនេះ គឺ director ដែលត្រូវធ្វើការផ្ទាល់ជាមួយអ្នកចាត់ការ ក្នុងការប្រកួតនានា។ សំណើមួយនេះ អតីតអ្នកចាត់ការក្រុម Arsenal បានឃើញហើយ ប៉ុន្តែមិនទាន់ឆ្លើយតបនៅឡើយទេ ត្បិតអីបច្ចុប្បន្នលោកមិនទាន់មានក្លឹបណា ឬការងារអ្វីធ្វើនៅឡើយ។ PSG បច្ចុប្បន្ននេះ កំពុងធ្វើបានយ៉ាងល្អមែនទែន សម្រាប់ការប្រកួតក្នុងលីគ ដោយមិនទាន់ស្គាល់ពាក្យថាចាញ់ឡើយ។
ប្រសិនបើរឿងនេះកើតឡើងមែន នោះក្លឹបអ្នកមានមួយនេះនឹងកាន់តែមានប្រជាប្រិយភាពបន្ថែមទៀត ត្បិតអីប្រទេសបារាំងគឺជាស្រុកកំណើតរបស់ Wenger ស្រាប់។ ស្របពេលដែលប្រជាប្រិយភាពរបស់លោកនៅទីនោះ ក៏មានការគាំទ្រច្រើនដែរ៕ប្រភព៖ dailymail
