សហព័ន្ធកីឡាបាល់ទាត់វៀតណាម ត្រូវបាន AFC ពិន័យ ១២៥០០ដុល្លារ បន្ទាប់ពីមានករណីអ្នកគាំទ្រក្រុមវៀតណាម ដុតភ្លើងក្នុងការប្រកួតនៅ ព្រឹត្តិការណ៍កីឡាអាស៊ី (Asian Games) នៅឥណ្ឌូណេស៊ី។
ក្រុមវៀតណាម ពិតជាខ្លាំងមែនទែនមួយរយៈចុងក្រោយនេះ ទាំងក្រុមយុវជននិងឈុតធំ ដោយលេងត្រឹមកម្រិតអាស៊ី មិនងាយក្រុមណាអាចយកឈ្នះពួកគេបានឡើយ។ ជាក់ស្ដែងនៅ Asian Game វៀតណាមអាចឡើងដល់វគ្គ៤ក្រុមចុងក្រោយ ប៉ុន្តែភ្លាត់ចាញ់កូរ៉េខាងត្បូង ក្នុងលទ្ធផល ៣-១។ បរាជ័យប្រកួតនេះហើយ បានធ្វើឱ្យអ្នកគាំទ្រវៀតណាម ដុតភ្លើងក្នុងការប្រកួត ទើបបានជា AFC សើបអង្កេត និងចាត់វិធានការតែម្ដង។ ជាចុងក្រោយ AFC សម្រេចពិន័យវៀតណាមជាង១ម៉ឺនដុល្លារចំពោះរឿងនេះ។
សូមរំលឹកថា វៀតណាមធ្លាប់ត្រូវពិន័យម្ដងមកហើយ ចំពោះរឿងអ្នកគាំទ្រនេះ ដោយលើកមុននោះគឺកើតឡើងនៅពហុកីឡដ្ឋានជាតិអូឡាំពិកតែម្ដង៕ប្រភព៖ vietnamnews