តាមរយៈការឧបត្ថម្ភពីក្រុមហ៊ុនផ្តល់សេវាកម្មកម្សាន្តឈានមុខគេនៅកម្ពុជា 2MBET ថ្មីៗនេះ តំណាងក្រុមការងារ CTS Sports បានចុះទៅផ្តល់ជូនឈុតសំលៀកបំពាក់ ឧបត្ថម្ភដល់ក្រុមបាល់ទាត់ Long Standing។ នេះជាការផ្តល់ជូនឥតគិតថ្លៃ សម្រាប់ក្រុមបាល់ទាត់ឈុតតូចក្រៅអាជីព ជាពិសេសផ្តល់អាទិភាពដល់ក្រុមដែលមានការខ្វះខាតពិតប្រាកដ នៅទូទាំងបណ្តារាជធានី/ខេត្ត។
Long Standing ជាក្រុមដែលមានអាយុកាលជាង ២ ឆ្នាំកន្លះមកហើយ ដោយសរុបសមាជិកមកទល់ពេលនេះ មានចំនួន ១៥ នាក់។ ក្រុមមានមូលដ្ឋានស្ថិតនៅរាជធានីភ្នំពេញមួយនេះ គ្រប់គ្រងដោយប្រធានក្រុម លោក ចាន់ រស្មី បានលើកឡើងយ៉ាងដូច្នោះថា៖
“ខ្ញុំចង់ផ្តាំផ្ញេីរដល់យុវជន ដែលស្រលាញ់បាល់ទាត់ គឺត្រូវខិតខំប្រឹងប្រែង រៀនសូត្របន្ថែម កុំបោះបង់ ដ្បិតបើជួបការលំបាកនានា ដើម្បីវិវត្តខ្លួនអោយខ្លាំងជាងមុន និងជួយឲ្យវិស័យកីឡារបស់យេីងរីកចម្រេីនទៅមុខ ជាងនេះសម្រាប់ឆន្ទៈក្រុមរបស់ខ្ញុំផ្ទាល់ បើមានឱកាស និងពេលវេលាគ្រប់គ្រាន់ ថ្ងៃទៅមុខ ពួកខ្ញុំចង់មានឱកាសលេងឲ្យកម្រិតប្រកួតប្រជែងថ្នាក់ជាតិ”។
ប្រធានក្រុមខាងលើ ក៏បានផ្ញើសារទៅក្រុមហ៊ុនឧបត្ថម្ភ 2MBET បែបនេះ៖
“បាទខ្ញុំសូមថ្លែងអំណរគុណ ចំពោះក្រុមហ៊ុន 2MBET ក៏ដូចជាក្រុមការងារ CTS Sports ដែលបានឧបត្ថមឯកសណ្ឋានអាវកីឡាដល់ក្រុមរបស់ខ្ញុំ ហេីយសូមអោយក្រុមហ៊ុនរីកចម្រេីនទៅមុខ នឹងជោគជ័យគ្រប់កិច្ចការទាំងអស់”៕