• Everton ​ពិចារណា ​នាំ​យក ​Samir Nasri ​មក​លេង​នៅ​អង់គ្លេស​វិញ

    ក្លឹប Everton ​កំពុង​ទាក់ទង​ខ្សែ​ប្រយុទ្ធ ​Samir Nasri ​ឱ្យ​មក​លេង​នៅ​លីគ​កំពូល​អង់គ្លេស​វិញ ​ក្រោយ​ពី​កីឡាករ​រូប​នេះ​ផុត​បម្រាម​គ្រឿងញៀន។

     

    អតីត​កីឡាករ Arsenal ​និង Manchester City ​ខាង​លើ​នេះ ​បច្ចុប្បន្ន​មិន​មាន​ក្លឹប​លេង​នោះ​ទេ ក្រោយ​ពី​ជាប់​បម្រាម​មិន​ឱ្យ​លេង​បាល់​ជា​ច្រើន​ឆ្នាំ​មក​នេះ។ ខណៈ​ដែល​ពេល​នេះ ​បម្រាម​នោះ​បាន​ចប់​ហើយ ​រូបគេ​អាច​ចូល​លេង​បាន​វិញ ​ហើយ​ក្លឹប Everton ​ ជា​អ្នក​ចាប់​អារម្មណ៍​ខ្សែ​ប្រយុទ្ធ​វ័យ​៣១​ឆ្នាំ​នេះ​មុន​គេ។ យ៉ាងណាមិញ ​គេ​មិន​ទាន់​ប្រាកដ​ថា​នឹង​មាន​ការ​ចុះ​កុងត្រា​ឬ​អត់​ឡើយ ព្រោះ​ទោស​ជាប់​បម្រាម​របស់​គេ​លើក​មុន​ទាក់ទង​នឹង​ការ​ប្រើប្រាស់​គ្រឿងញៀន ​ជា​អំពើ​ដែល​ខាង​វិស័យ​កីឡា​ស្អប់ខ្ពើម​ខ្លាំង​ណាស់។

    Sari ​ជា​កីឡាករ​ឆ្នើម​ម្នាក់ ដែល​លេង​ឱ្យ Man City ​បាន​ដល់​៦​រដូវ​កាល​ឯ​ណោះ។ កីឡាករ​សញ្ជាតិ​បារាំង​រូប​នេះ ​ក៏​ធ្លាប់​ជា​កីឡាករ​ជម្រើស​ជាតិ​បារាំង​ផង​ដែរ ​ដោយ​បង្ហាញ​ខ្លួន​បាន​៤១​ប្រកួត រក​បាន​៥​គ្រាប់៕ប្រភព៖ dailymail

    ភ្ជាប់ទំនាក់ទំនងជាមួយ CTS SPORT